روسی شہری نے سڑک کو سوئمنگ پول بنا دیا، دلچسپ ویڈیو وائرل

ماسکو : روسی دارالحکومت میں بارش کے بعد سیلابی صورتحال پیدا ہوئی تو ایک شہری نے شاہراہ کو سوئمنگ پول سمجھ کر سیلابی پانی میں تیراکی شروع کردی۔

روس جیسے سرد ملک میں بھی ہیٹ ویو نے شہریوں کا جینا دوبھر کردیا ہے، مغربی روس کا درجہ حرارت 34 اعشاریہ 9 ڈگری سینٹی گریڈ پر جاپہنچا ہے، جس کے باعث روس میں شدید گرمی کا 120 سالہ ریکارڈ ٹوٹ چکا ہے۔

گزشتہ ہفتے ریکارڈ گرمی پڑنے کے بعد ماسکو میں شدید بارشوں کا سلسلہ شروع ہوا تو ایک ہی روز میں اتنے بادل برسے کہ سڑکیں تالاب بن گئیں۔

روس کے محکمہ موسمیات کے مطابق ماسکو میں ایک روز میں ہونے والی بارش پورے مہینے ہونے والی بارش کا 70 فیصد ہے۔

شہری انتظامیہ نے موسم کی بدترین صورتحال کو دیکھتے ہوئے شہریوں کو گھروں میں رہنے کی درخواست کی ہے لیکن انتبا کے باوجود شہریوں نے سڑکوں کو سوئمنگ پول سمجھ کر اس میں تیراکی شروع کردی ہے۔

مائیکرو بلاگنگ ویب سائٹ ٹوئٹر پر ایک ویڈیو شیئر ہوئی جس میں ایک شخص کو شاہراہ پر جمع بارش کے پانی میں مزے سے تیراکی کرتے دیکھا جاسکتا ہے۔

This is the most bizarre video from #Moscow, #Russia, today.

Moscow had a day of torrential rain, with the rainfall equivalent to 70% of monthly norm.pic.twitter.com/3UsExwuXSz

— Alex Kokcharov (@AlexKokcharov) June 28, 2021

ویڈیو میں نظر آرہا ہے ایک شخص آرام سے چلتا ہوا آیا اور پھر گھٹنوں تک جمع پانی چھلانگ لگاکر سوئمنگ شروع کردی۔

ٹوئٹر پر شیئر ہونے والی ویڈیو کو اب تک 66 ہزار افراد دیکھ چکے ہیں، صارفین کی جانب سے ویڈیو دلچسپ تبصرے بھی سامنے آرہے ہیں۔

سوشل میڈیا صارفین کو خدشہ ہے کہ اتنی شدید بارش کے بعد سڑکوں پر جمع پانی میں سیورج کا پانی بھی شامل ہوگیا ہوگا جس میں تیراکی کرنا مضر صحت ہوسکتا ہے۔

The post روسی شہری نے سڑک کو سوئمنگ پول بنا دیا، دلچسپ ویڈیو وائرل appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/364MTWU
via IFTTT