دبئی: امریکا اور ایران کے درمیان جنرل سلیمانی کی ہلاکت کے بعد پیدا ہونے والی جنگ کی سی صورت حال میں عالمی منڈی میں خام تیل کی قیمت میں اضافے کا رجحان بھی تیز ہو گیا ہے۔
تفصیلات کے مطابق آج بھی عالمی منڈی میں خام تیل کی قیمت میں اضافہ ہو گیا ہے، جس کے بعد خام تیل کی قیمت 70 ڈالر فی بیرل سے تجاوز کر گئی، دو دن قبل 2 ڈالر 41 سینٹس کے اضافے کے بعد برینٹ خام تیل کی قیمت 68 ڈالر 70 سینٹس فی بیرل ہو گئی تھی، آج برینٹ خام تیل کی قیمت میں 2 ڈالر 4 سینٹس کا اضافہ ہوا، جس کے بعد برینٹ خام تیل کی قیمت 70 ڈالر 64 سینٹس فی بیرل ہو گئی ہے۔
جوہری معاہدہ منسوخ، ایران کا یورینیم افزودگی جاری رکھنے کا اعلان
امریکی خام تیل کی قیمت میں 1 ڈالر 55 سینٹس کا اضافہ ہوا، جس کے بعد اس کی قیمت 64 ڈالر 62 سینٹس فی بیرل ہو گئی۔ جب کہ دو دن قبل امریکی خام تیل کی قیمت میں 1 ڈالر 85 سینٹس فی بیرل اضافے کے ساتھ قیمت 63 ڈالر 3 سینٹس فی بیرل ہو گئی تھی۔
ادھر ایشیائی حصص بازار بھی مندی کی لپیٹ میں ہیں، ایشیائی اسٹاک مارکیٹوں میں کاروباری ہفتے کا آغاز مندی سے ہوا، جاپانی اسٹاک مارکیٹ میں 465 پوائنٹس کی مندی ریکارڈ کی گئی، ہانگ کانگ کی ہینگ سنگ مارکیٹ میں181 پوائنٹس کی کمی، تائیوان اسٹاک مارکیٹ میں 130 پوائنٹس کی کمی، کورین اسٹاک مارکیٹ میں بھی مندی ریکارڈ کی گئی، تاہم چینی اسٹاک مارکیٹوں میں تیزی کا رجحان دیکھنے میں آیا۔
The post جنگ کی صورت حال میں خام تیل کی قیمت میں اضافے کا رجحان بھی تیز ہو گیا appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2ZSnrjm
via IFTTT
No comments:
Post a Comment
please do not enter ant\y spam link in comment box