مزید پڑھیں: سی این جی ڈیلرز کی حکومت کو ایک ہفتے کے بعد اسلام آباد میں دھرنا کی دھمکی

کراچی : کراچی سمیت سندھ میں سی این جی اسٹیشنزآج رات 10سے صبح 6 بجےتک کھلےرہیں گے ، سی این جی ایسوسی ایشن کا کہنا ہے آئندہ اسٹیشنز کھولنے  کا فیصلہ گیس پریشر دیکھ کر کیا جائے گا۔

تفصیلات کے مطابق شدیدسردی میں گیس کابحران شدت اختیار کرگیا، جبکہ خواتین کے لئے کھانا پکانا امتحان بن چکا ہے تاہم کراچی سمیت سندھ کےسی این جی صارفین کے لیے خوشخبری آگئی ، سندھ میں سی این جی اسٹیشنز آج رات دس بجے سے آٹھ گھنٹے کیلئے کھلیں رہیں گے۔

سی این جی ایسوسی ایشن کا کہنا ہے کہ آئندہ اسٹیشنزکھولنےکافیصلہ گیس پریشردیکھ کرکیا جائے گا۔

دوسری جانب کراچی میں گیس بحران پر صنعتکاروں کااحتجاج رنگ لے آیا،ایم ڈی ایس ایس جی سی نے مطالبات منظورکرتے ہوئے گیس کی بلا تعطل فراہمی کی یقین دہانی کرادی ہے۔

پنجاب میں گیس بحران کی وجہ سے صرف برآمدی صنعتوں کو گیس فراہم کی جا رہی ہے جبکہ چمڑاانڈسٹری، کیمیکل، نان ایکسپورٹ ٹیکسٹائل، سی این جی انڈسٹری سمیت تمام صنعتوں کوگیس کی فراہمی بند ہے۔

مزید پڑھیں: سی این جی ڈیلرز کی حکومت کو ایک ہفتے کے بعد اسلام آباد میں دھرنا کی دھمکی

یاد رہے 4 جنوری کو سی این جی ڈیلرز ایسوسی ایشن نے وفاقی حکومت کو ایک ہفتے کی مہلت دیتے ہوئے کہا تھا کہ صورتحال تبدیل نہ ہوئی تو اسلام آباد میں دھرنا دیں گے۔

سی این جی ڈیلرز ایسوسی ایشن کے چیئرمین عبد السمیع خان نے کہا تھا کہ سی این جی کی عدم فراہمی کو بیس دن ہوچکے ہیں جس کی وجہ سے متعدد ٹرانسپوٹرز گاڑیاں کھڑی کرنے پر مجبور ہوچکے ہیں ، دھرنے میں شرکت کے حوالے سے ٹرانسپوٹروں کو بھی اعتماد میں لیا ہے۔

خیال رہے سی این جی ایسوسی ایشن کی جانب سے گزشتہ روز اسٹیشنز کھولنے کا اعلان کیا گیا تھا تاہم پیر کی دوپہر تک سی این جی اسٹیشنز بند پڑے تھے جبکہ گاڑیوں کی طویل قطار بھی سی این جی اسٹیشنز کے باہر لگی رہی۔

واضح رہے کہ جمعےاور ہفتے کے روز سی این جی اسٹیشنز کو گیس کی فراہمی شروع کی جانی تھی، لیکن اتوارکو بارہ گھنٹے کے لیے سی این جی اسٹیشن کھولے گئے اور صبح سات بجے سے شام سات بجے تک گیس کی فراہمی جاری رہی، سوئی سدرن کے مطابق گیس پریشر میں بہتری کے بعدآئندہ فراہمی کی جائے گی۔

The post کراچی کے سی این جی صارفین کے لیے خوشخبری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2TjZW1q
via IFTTT