چین میں کرونا وائرس سے مزید ہلاکتیں، تعداد 170 ہو گئی

واشنگٹن: امریکی صدر ڈونلڈ ٹرمپ نے کہا ہے کہ انھوں نے بہترین امریکی ایجنسیوں سے کرونا وائرس پر بریفنگ لی ہے۔

یہ بات انھوں نے ٹویٹر پر اپنے تازہ ٹویٹ میں کہی، انھوں نے لکھا کہ ہماری بہترین ایجنسیوں سے میں نے کرونا وائرس پر بریفنگ لی ہے، یہ ایجنسیاں چین سے مل کر کرونا وائرس پر کام کر رہی ہیں۔

امریکی صدر کا کہنا تھا کہ موجودہ حالات کو مانٹیر کیا جا رہا ہے، ہمارے پاس دنیا کے بہترین ایکسپرٹس موجود ہیں، جو دن رات کرونا وائرس کے معاملے کو دیکھ رہے ہیں۔

Just received a briefing on the Coronavirus in China from all of our GREAT agencies, who are also working closely with China. We will continue to monitor the ongoing developments. We have the best experts anywhere in the world, and they are on top of it 24/7! pic.twitter.com/rrtF1Stk78

— Donald J. Trump (@realDonaldTrump) January 30, 2020

یاد رہے کہ اس سے قبل امریکی صدر نے ٹویٹر کے ذریعے چین کو کرونا وائرس سے نمٹنے کے سلسلے میں تعاون کی پیش کش بھی کی تھی، انھوں نے کہا تھا کہ امریکا چین کے ساتھ اس سلسلے میں مسلسل رابطہ رکھے ہوئے ہے۔

چین میں کرونا وائرس سے مزید ہلاکتیں، تعداد 170 ہو گئی

خیال رہے کہ مہلک کرونا وائرس امریکا بھی پہنچ چکا ہے، اور اب تک پانچ افراد ایسے سامنے آ چکے ہیں جو وائرس کا شکار ہوئے۔ سی ڈی سی نے 36 ریاستوں میں 165 مشتبہ افراد کے ٹیسٹ کیے، جن میں سے 68 میں وائرس نہیں پایا گیا، تاہم 92 افراد کے نتائج تاحال سامنے نہیں آئے۔

ادھر چین میں کرونا وائرس وبا کی طرح پھیلنے لگا ہے، چین کے صوبے ہوبائے میں وائرس سے مزید 38 افراد ہلاک ہو گئے ہیں، جس کے بعد مرنے والوں کی تعداد 170 ہو گئی۔ سب سے زیادہ ہلاکتیں ووہان شہر میں ہوئیں، 7700 افراد میں وائرس کی تصدیق ہو چکی ہے۔

from ARYNews.tv | Urdu – Har Lamha Bakhabar https://ift.tt/2GDykfW
via IFTTT