اے آر وائی نیوز پاکستان میں موجود امریکی شہریوں کی آواز بن گیا

اسلام آباد: امریکی شہریوں کی وطن واپسی کے لیے ایک ہزار ڈالر پاکستان میں ادا کرنے کی شرط کے معاملے پر امریکی سفارت خانے نے آر وائی نیوز کی آواز سن لی۔

تفصیلات کے مطابق امریکی شہریوں کو وطن واپسی کے لیے پاکستان میں ایک ہزار ڈالر ادا کرنے تھے، تاہم اے آر وائی کے استفسار کے بعد اب مسافر یہ رقم امریکا پہنچنے کے بعد ادا کر سکیں گے۔

اس سے قبل مسافروں کو یہ رقم بورڈنگ سے پہلے ادا کرنا تھی، مسافروں سے رقم لینے پر اے آر وائی نیوز کے رابطے پر امریکی سفارت خانے نے وضاحت کی کہ مسافروں سے یہ رقم ٹرانسپورٹیشن کی مد میں وصول کی جائے گی، رقم امریکا پہنچنے کے بعد آسان اقساط میں ادا کرنا ہوگی، رقم اکانومی کلاس کے مساوی ہے۔

امریکی سفارت خانے نے کہا کہ امریکی شہریوں کو واپس لے جانے والی فلائٹس منسوخ ہیں، فلائٹس کراچی اور اسلام آباد سے واشنگٹن جانا تھیں، یہ پروازیں اسی ہفتے ری شیڈول ہو جائیں گی، جس کے لیے سفارت خانہ مسافروں سے براہ راست رابطہ کرے گا۔

خیال رہے کہ کرونا وائرس کے خطرے کے پیش نظر کینیڈین شہریوں کی بھی پاکستان سے واپسی کا سلسلہ جاری ہے، خصوصی طیارے سے 300 کینڈین شہری لاہور سے ٹورنٹو روانہ کر دیے گئے ہیں، کینیڈین حکومت کی درخواست پر پی آئی اے نے خصوصی پرواز چلائی۔ ٹورنٹو روانگی سے قبل مسافروں کی لاہور ایئر پورٹ پر مکمل طبی جانچ اور اسکریننگ کی گئی۔

The post اے آر وائی نیوز پاکستان میں موجود امریکی شہریوں کی آواز بن گیا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2xJcmHe
via IFTTT