وزیراعظم کورونا ریلیف فنڈ میں 3ارب روپے سے زائد رقم جمع

اسلام آباد : وزیراعظم کورونا ریلیف فنڈ میں اب تک 3ارب روپے سے زائد رقم جمع ہوگئی، جس پر سینیٹر فیصل جاوید نے پاکستانیوں کی سخاوت اور جذبے کو سلام پیش کیا۔

تفصیلات کے مطابق وزیراعظم کورونا ریلیف فنڈ میں عطیات کا سلسلہ جاری ہے، سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم ریلیف فنڈمیں رقم3ارب تک پہنچ گئی،ماشااللہ ! اب تک ریلیف فنڈ میں 3 ارب 22 کروڑ روپے جمع ہوئے، اس عظیم مقصد کیلئے آپ کی سخاوت اور جذبے کو سلام۔

PM Relief Fund touches the 3 Billion Mark Masha'ALLAH. So far Rs 3,022 million have been deposited in PM's COVID19 Relief Fund.Hats off to your Generosity & Jazba for contributing towards this grt cause.Together we can & Together we must #KeepContributing#PakistanTheMostGenerous

— Faisal Javed Khan (@FaisalJavedKhan) April 30, 2020

دوسری جانب معاون خصوصی زلفی بخاری کی کوششوں سے وزیراعظم کورونا ریلیف فنڈ میں بڑی کمپنیاں تعاون کیلئے تیار ہے، معروف سیلولر کمپنی نے 70 لاکھ روپے ریلیف فنڈ میں جمع کروا دئیے۔

زلفی بخاری نے پرائیویٹ سیکٹر سے ریلیف فنڈ میں بڑھ چڑھ کر حصہ ڈالنے کی اپیل کی ہے۔

خیال رہے گذشتہ ہفتے وزیراعظم کورونا ریلیف فنڈ کیلئے ٹیلی تھون میں تقریباً2.7ارب روپےفنڈ میں جمع ہوئے تھے۔

واضح رہے وزیراعظم عمران خان نے کرونا سے لڑ نے کے لیے ریلیف فنڈ کے قیام اور ٹائیگرفورس بنانے کا اعلان کیا تھا، جب کہ صوبوں کی سطح پر بھی الگ الگ ریلیف فنڈز قائم کیے گئے ہیں، جس میں مخیر حضرات سے عطیات جمع کرانے کی اپیل کی گئی تھی۔

The post وزیراعظم کورونا ریلیف فنڈ میں 3ارب روپے سے زائد رقم جمع appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2SpJ73R
via IFTTT