تیسری شادی کرنے پر دوسری بیوی کا شوہر سے بھیانک انتقام

مظفرگڑھ: پنجاب میں تیسری شادی کرنے پر دوسری بیوی نے شوہر پر گرم پانی پھینک دیا۔

تفصیلات کے مطابق پنجاب کے شہر مظفرگڑھ میں تیسری شادی کرنے پر دوسری بیوی نے شوہر سے بھیانک انتقام لیا، گرم پانی پھینکنے سے ڈاکٹر عبدالرشید نامی شخص کا جسم 45 فیصد جھلس گیا۔

شاہ جمال کے سینئر میڈیکل آفیسر ڈاکٹرعبدالرشید نے تیسری شادی کی تھی جس پر بیوی طعیش میں آگئی اور بدلہ لینے کے لیے خطرناک اقدام اٹھایا۔ جبکہ پولیس نے ملزمہ کو گرفتار کرنے کے کچھ دیر بعد چھوڑ دیا۔

پی ایم اے کا کہنا ہے کہ ملزمہ کے خلاف تھانہ شاہ جمال میں مقدمہ درج ہے۔

خیال رہے کہ ملزمہ کو گرفتار کرنے کے بعد پولیس نے رہا کیوں کیا؟ یہ اب تک واضح نہیں ہوسکا، تاہم پولیس کیس کے دیگر پہلوؤں پر بھی تفتیش کررہی ہے جلد مزید حقائق سامنے آئیں گے۔

The post تیسری شادی کرنے پر دوسری بیوی کا شوہر سے بھیانک انتقام appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3djH9dP
via IFTTT