حکومت سندھ کا بارش کے متاثرین کی مالی معاونت کا فیصلہ

 کراچی:  حکومت سندھ نے بارش سے متاثرہ افراد کی مالی معاونت کا فیصلہ کیا ہے۔

حکومت سندھ کی جانب سے کراچی سمیت متاثرہ اضلاع کے ڈپٹی کمشنرز کو بارش سے نقصانات کا تخمینہ لگانے کی ہدایت کی گئی ہے۔ متعلقہ ڈپٹی کمشنرز سے بارش سے ہونے والے نقصانات کی تفصیلی رپورٹ طلب کرلی ہے۔ ڈپٹی کمشنرز کو سات روز میں نقصانات پر مبنی رپورٹ محکمہ ریلیف میں جمع کرانے کی ہدایت کی گئی ہے۔

واضح رہے کہ حالیہ تباہ کن بارشوں کے باعث لوگوں کے مکانات، کاروبار، فصلوں اور گھریلو آلات کو بڑے پیمانے پر نقصان پہنچا ہے۔ اس ضمن میں ڈپٹی کمشنر ضلع ملیر نے بھی تمام تحصیلوں میں ہونے والے نقصانات کا تخمینہ طلب کیا ہے۔ اسسٹنٹ کمشنرز کو تباہ حال گھروں، املاک، قیمتی سامان اور جانی نقصانات کی سروے رپورٹ دینے کی ہدایت کی ہے۔

The post حکومت سندھ کا بارش کے متاثرین کی مالی معاونت کا فیصلہ appeared first on ایکسپریس اردو.

source https://www.express.pk/story/2075187/1