ایس او پیز کی خلاف ورزی، کراچی میں 6 شادی ہالز اور 103 ریسٹورنٹس بند

اسلام آباد : کراچی میں ایس او پیز کی خلاف ورزی پر 6 شادی ہالز اور 103ریسٹورنٹس بند کردیے گئے، نیشنل کمانڈ اینڈ آپریشن سنٹر کا کہنا ہے کہ شادی ہال اور ریسٹورنٹس کے کورونا مرکز بننے کا خدشہ ہے، صحت عامہ کی حفاظت کیلئے قانون شکنوں کے خلاف کارروائی کریں۔

تفصیلات کے مطابق نیشنل کمانڈ اینڈ آپریشن سنٹر ( این سی او سی) کی جانب سے کہا گیا ہے کہ کراچی میں 6شادی ہالز،103ریسٹورنٹس بند کردیےگئے، ایس او پیز کی خلاف ورزی پر شادی ہالز اور ریسٹورنٹس کو بند کیا گیا۔

این سی اوسی نے صوبوں کو کورونا ایس اوپیز گائیڈ لائنز پر عملدرآمدکی ہدایت کرتے ہوئے گلگت بلتستان،کشمیر،اسلام آباد میں کوروناایس اوپیز پر عملدرآمد کی ہدایت کی۔

نیشنل کمانڈ اینڈ آپریشن سنٹر کا کہنا ہے کہ شادی ہال اور ریسٹورنٹس کے کورونا مرکز بننے کا خدشہ ہے، صحت عامہ کی حفاظت کیلئےقانون شکنوں کے خلاف کارروائی کریں۔

یاد رہے کراچی میں کورونا وائرس کی دوسری لہر کے باعث سول لائنز، صدر اور عسکری تھری میں مائیکرواسمارٹ لاک ڈاؤن نافذ کردیا گیا ہے ، متاثرہ علاقوں میں غیرضروری نقل وحرکت پر پابندی ہے اور ماسک کے بغیر باہر نکلنے کی اجازت نہیں ہوگی۔

ایس اوپیزکی خلاف ورزیوں پرضلعی انتظامیہ نے بہادرآباد،ملیر، کورنگی،نارتھ کراچی،نارتھ ناظم آباد،گلشن آقبال،گلزار ہجری جمشید کوارٹرز کے علاقوں میں کارروائی کی کرتے ہوئے چھ شادی ہالز،ایک سو تین ریسورنٹس اوردس بیکریاں سیل کردیں جبکہ ڈیڑھ سوزائدریسورٹس کووراننگ جاری کی گئی ہے۔

دوسری جانب ضلع وسطی کےچارعلاقوں میں چھیالیس کیسز سامنے آنے کے بعد نارتھ کراچی،نارتھ ناظم آباد،گلبرگ،لیاقت آباد،گلشن اقبال،عسکری فور، جمشیدٹاؤن میں مائیکرواسمارٹ لاک ڈاؤن کی تجویز دی گئی ہیں۔

خیال رہے نیشنل کمانڈ اینڈ آپریشن سنٹر ( این سی او سی ) نے کراچی میں کورونا وائرس کے کیسز کی شرح میں اضافہ پر تشویش کا اظہار کیا تھا ، معاون خصوصی ڈاکٹر فیصل سلطان نے کہا کہ کورونا وبا کو روکنے کیلئے اسمارٹ لاک ڈاؤن کیا جائے۔

The post ایس او پیز کی خلاف ورزی، کراچی میں 6 شادی ہالز اور 103 ریسٹورنٹس بند appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Gyccqw
via IFTTT