اپوزیشن نے طبل جنگ بجا دیا

ملتان: پاکستان ڈیموکریٹک موومنٹ (پی ڈی ایم) نے آج قاسم باغ اسٹیڈیم میں ہر صورت جلسہ کرنے کا اعلان کر دیا ہے، دوسری طرف صوبائی حکومت نے بھی جلسہ روکنے کے لیے تیاری کر لی۔

تفصیلات کے مطابق قلعہ کہنہ قاسم باغ اسٹیڈیم کا کنٹرول انتظامیہ نے سنبھال لیا ہے، اسٹیڈیم آنے والے راستے کنٹینر لگا کر سیل کر دیے گئے ہیں، گھنٹہ گھر چوک کے راستوں کو بھی رکاوٹیں کھڑی کر کے سیل کر دیا گیا۔

شہر کے تمام داخلی راستوں پر بھی رکاوٹیں کھڑی کر دی گئی ہیں، شہر میں میٹرو اور اسپیڈو بس سروس معطل ہیں۔

پی ڈی ایم جلسے کے پیش نظر رات کو پنجاب کی سب کابینہ برائے داخلہ کا ہنگامی اجلاس منعقد ہوا، جس میں فیصلہ کیا گیا ہے کہ حکومت کی رٹ ہر صورت میں قائم رکھی جائے گی۔

وزیر قانون پنجاب راجہ بشارت نے واضح کیا کہ پی ڈی ایم جلسے سے ایس او پیز کی خلاف ورزی ہوگی جو برداشت نہیں، کسی کو قانون ہاتھ میں لینے کی اجازت نہیں دے سکتے، قانون ہاتھ میں لینے والے کی فوری گرفتاری کا حکم جاری کر دیا گیا۔

اپوزیشن نے طبل جنگ بجا دیا

اجلاس میں پولیس افسران نے بریفنگ میں کہا کہ آج مزید راستے بند کیے جائیں گے، جلسے میں آنے والے قافلوں کو راستے ہی میں منشتر کر دیا جائے گا۔

اجلاس میں پولیس کو ہدایت کی گئی کہ ایم پی او کے تحت 310 سے زائد افراد جمع ہونے پر انھیں گرفتار کیا جائے۔

The post پی ڈی ایم کا آج اسٹیڈیم میں ہر صورت جلسے کا اعلان، حکومت بھی ایکشن کے لیے تیار appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/33vgcAT
via IFTTT