لیجنڈ کرکٹر کی سالگرہ، قومی کھلاڑیوں کے پیغامات، آئی سی سی کا خراج تحسین

لاہور: آج پاکستان کے لیے ٹیسٹ کرکٹ میں سب سے زیادہ رنز بنانے والے یونس خان کی 43 وں سالگرہ ہے، یونس خان کی سالگرہ پر نیوزی لینڈ میں موجود قومی کھلاڑیوں نے پیغامات جاری کیے۔

تفصیلات کے مطابق قومی کرکٹ ٹیم کے لیجنڈ ٹیسٹ کرکٹر یونس کی آج سال گرہ ہے، اس موقع پر انٹرنیشنل کرکٹ کونسل (آئی سی سی) نے بھی انھیں اپنے آفیشل ٹویٹر اکاؤنٹ پر خصوصی خراج تحسین پیش کیا ہے۔

قومی ٹیم کے سابق کپتان سرفراز احمد نے اپنے پیغام میں کہا کہ میں نے ان کی بہت سی اننگز ڈریسنگ روم میں بیٹھ کر دیکھیں، یونس خان سے زیادہ محنتی شخص آج تک نہیں دیکھا۔

شان مسعود نے کہا میں یونس خان سے بہت متاثر ہوں، اظہر علی کا کہنا تھا کہ یونس خان ایک عظیم رول ماڈل ہیں، شاہین شاہ آفریدی نے کہا میں نے یونس خان سے بہت کچھ سیکھا اور ان سے بہت کچھ اب بھی سیکھ رہے ہیں، یاسر شاہ کا کہنا تھا میں خوش قسمت ہوں کہ جب ڈیبیو کیا تو یونس خان ٹیم میں موجود تھے، فواد عالم نے کہا امید ہے یونس خان سے سیکھنے کا عمل یونہی جاری رہےگا۔

Most Test runs for Pakistan – 10,099
First batsman to make Test centuries in 11 countries
One of Pakistan’s four triple-centurions – 313

Other than his jaw-dropping Test numbers, Younis Khan also scored 7249 ODI runs!

Happy birthday to a legend pic.twitter.com/Te2jghf6JR

— ICC (@ICC) November 29, 2020

دوسری طرف آئی سی سی نے اپنے ٹویٹ میں یونس خان کے لیے لکھا ’لیجنڈ کو سال گرہ مبارک ہو‘۔

آئی سی سی ٹویٹ میں یونس خان کے شان دار کیریئر کی ایک جھلک بھی نمبرز کی صورت میں دکھائی گئی، لکھا گیا کہ یونس خان نے پاکستان کے لیے سب سے زیادہ ٹیسٹ رنز 10,099 بنائے۔ وہ پہلے بلے باز ہیں جنھوں نے 11 ممالک میں ٹیسٹ سینچریاں بنائیں۔

یونس خان ان 4 پاکستانی بیٹسمینوں میں سے ایک ہیں جنھوں نے ٹرپل سینچری اسکور کی، یہ کارنامہ انھوں نے 313 رنز بنا کر انجام دیا، نہ صرف ٹیسٹ کرکٹ میں شان دار ریکارڈ کے حامل ہیں بلکہ یونس خان نے ون ڈے انٹرنیشنل میں بھی 7249 رنز بنائے ہیں۔

The post لیجنڈ کرکٹر کی سالگرہ، قومی کھلاڑیوں کے پیغامات، آئی سی سی کا خراج تحسین appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3fLKaW7
via IFTTT