کورونا ویکسین لگوائیں اور مفت کافی پیجیے

 دبئی: متحدہ عرب امارات میں لوگوں میں کورونا ویکسی نیشن کی اہمیت کو اجاگر کرنے کے لیے ایک کیفے مالک نے کورونا ویکسین لگوانے والوں کو مفت کافی کی پیشکش کی ہے۔

عرب ویب سائیٹ کے متحدہ عرب امارات کی ریاست دبئی میں ’کیفے ریسٹریٹو‘ نامی ریستوران چین نے کورونا ویکسین لینے والوں کو مفت کافی کی پیشکش کی ہے۔ کیفے ریسٹریٹو کے مالک علی خان کا اس حوالے سے کہنا ہے کہ ان کے ریستوران میں روزانہ 80 افراد اس پیشکش سے لطف اٹھانے لگے ہیں تاہم یہ پیشکش صرف ایک ماہ کے لیے ہے۔

علی خان اس سے قبل لاک ڈاؤن کے موقع پر دبئی کے راشد اسپتال میں اسپیشل کافی ہاؤس قائم کرچکے ہیں جہاں 4 ماہ تک سپاہیوں، شہری دفاع کے اہلکاروں، ڈاکٹروں اور نرسوں کو مفت کافی پیش کی جاتی رہی ہے۔

واضح رہے کہ دبئی کے کئی ریستوران کورونا ویکسین لگوانے والے صارفین کے لیے خصوصی پیشکشیں کررہے ہیں۔ جن میں کورونا ویکسین لگوانے والوں کو 20 فیصد تک رعایت دی جا رہی ہے تاہم ان پیشکشوں سے فائدہ اٹھانے کے لیے کورونا ویکسین لگوانے کا ثبوت دکھانا ضروری ہے۔

The post کورونا ویکسین لگوائیں اور مفت کافی پیجیے appeared first on ایکسپریس اردو.

source https://www.express.pk/story/2134807/509