اسلام آباد یونائیٹڈ اور کوئٹہ گلیڈی ایٹرز کے درمیان ملتوی شدہ میچ آج کھیلا جائے گا

کراچی: پاکستان سُپرلیگ سکس میں اسلام آباد یونائیٹڈ اور کوئٹہ گلیڈی ایٹرز کے درمیان گذشتہ روز ملتوی ہونے والا میچ آج کھیلا جائےگا۔

تفصیلات کے مطابق اسلام آباد یونائیٹڈ کے آسٹریلوی کھلاڑی فواد احمد کا گذشتہ روز کرونا ٹیسٹ مثبت آگیا تھا، جس کے بعد کوئٹہ گلیڈی ایٹرز اور اسلام آباد یونائیٹڈ کا میچ ایک روز کے لئے ملتوی کردیا گیا تھا، دونوں ٹیموں کے درمیان ملتوی ہونے والا میچ آج شام سات بجے کھیلا جائے گا۔

پی سی بی کی جانب سے جاری بیان کے مطابق اسلام آباد یونائٹیڈ کے کھلاڑی کا کرونا ٹیسٹ مثبت آنے پر پی سی بی کا کہنا تھا کہ اسلام آباد یونائیٹڈ اور کوئٹہ گلیڈی ایٹرز کے دیگر کھلاڑیوں کے ٹیسٹ لئے گئے، جن کے نتائج منفی آئے ہیں۔

پاکستان کرکٹ بورڈ کا کہنا ہے کہ شائقین کل کے میچ کا ٹکٹ آج استعمال کرسکتے ہیں اور ٹکٹ کو ری فنڈ بھی کراسکتے ہیں۔

واضح رہے کہ پاکستانی نژاد آسٹریلوی اسپنر نے کرونا ٹیسٹ مثبت آنے پر سماجی رابطے کی ویب سائٹ ٹوئٹر پر مداحوں سے دعاؤں میں یاد رکھنے کی درخواست کی تھی، فواد احمد نے لکھا کہ کرونا سے خود بھی محفوظ رہیں، دوسروں کو بھی محفوظ رکھیں۔

یہ بھی پڑھیں:  اسلام آباد یونائیٹڈ کے ایک کھلاڑی کا کورونا ٹیسٹ مثبت آگیا، میچ میں تاخیر

یاد رہے کہ اس سے قبل پی سی بی کا کہنا تھا کہ مذکورہ کھلاڑی میں دو روز قبل کرونا وائرس کی علامات ظاہر ہوئی تھیں جس پر ‏اس کھلاڑی کو فوری طور پر آئسولیٹ کردیا گیا تھا۔

The post اسلام آباد یونائیٹڈ اور کوئٹہ گلیڈی ایٹرز کے درمیان ملتوی شدہ میچ آج کھیلا جائے گا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3rcdwlI
via IFTTT