کراچی؛ سینڈزپٹ پر سمندرمیں نہاتے ہوئے نوجوان ڈوب گیا

 کراچی: ہاکس بے سینڈزپٹ پرسمندرمیں نہاتے ہوئے نوجوان ڈوب گیا جسے فوری طور پرریسکیو اہلکاروں نے نیم بیہوشی کی حالت میں نکال کر قریبی اسپتال منتقل کردیا۔

ہاکس بے سینڈزپٹ کے قریب سمندرمیں نہاتے ہوئے ایک نوجوان ڈوب گیا جسے فوری طور پرریسکیو اہلکاروں نے نیم بے ہوشی کی حالت میں نکال کر ایدھی ایمبولینس کے ذریعے قریبی اسپتال منتقل کردیا جہاں نوجوان کی شناخت18 سالہ حمیرولد عبدالرحمن کے نام سے کر لی گئی۔

نوجوان شیر شاہ کا رہائشی ہے اوردوستوں کے ہمراہ پکنک پر آیا تھا جہاں وہ تیزلہروں کی نظر ہو گیا تھا تاہم فوری طور پر نوجوان کو سمندر سے نکال لیا گیا، نوجوان کی حالت خطرے سے باہر ہے۔

The post کراچی؛ سینڈزپٹ پر سمندرمیں نہاتے ہوئے نوجوان ڈوب گیا appeared first on ایکسپریس اردو.

source https://www.express.pk/story/2161349/1