امریکا ایران جوہری معاہدے سے متعلق روسی مندوب کا دعویٰ

ویانا: روسی مندوب نے دعویٰ کیا ہے کہ امریکا اور ایران کے درمیان جوہری معاہدے سے متعلق مذاکرات آئندہ جمعے کو ہوں گے۔

تفصیلات کے مطابق امریکا کو ایران کے ساتھ جوہری معاہدے میں واپس لانے کے لیے ویانا میں ایک اجلاس منعقد کیا گیا، اجلاس میں چین، جرمنی، فرانس، روس اور برطانیہ کے اعلیٰ سفارت کاروں کے مابین ہونے والے مذاکرات میں اس معاہدے پر توجہ مرکوز کی گئی۔

روسی مندوب نے اس اجلاس کے حوالے سے دعویٰ کیا ہے کہ امریکا اور ایران کے درمیان جوہری معاہدے سے متعلق مذاکرات آئندہ جمعے کو ہوں گے، تاہم پیش رفت کی جلد توقع نہیں کرنی چاہیے۔

At which stage the Vienna talks on #JCPOA restoration are? It’s to early to be excited, but we have reasons for cautious and growing optimism. There is no deadline, but participants aim at successful completion of the talks in approximately 3 weeks. Is it realistic? We will see.

— Mikhail Ulyanov (@Amb_Ulyanov) May 1, 2021

ایرانی حکام نے کہا ہے کہ ویانا مذاکرات میں ایران پر سے پابندیاں اٹھانے پر اتفاق ہو گیا ہے، آئل، بینکنگ اور دیگر سیکٹرز پر عائد پابندیاں ختم ہو جائیں گی۔

واضح رہے کہ ویانا میں ہونے والی سفارت کاروں کی اس ملاقات کے دوران امریکا کا کوئی نمائندہ موجود نہیں تھا۔

ایرانی ذرائع ابلاغ کے مطابق ایران کے چیف جوہری مذاکرات کار نے ہفتے کے روز کہا کہ تہران توقع کرتا ہے کہ ویانا مذاکرات میں اب تک معاہدوں کی بنیاد پر تیل، بینکوں اور بیش تر افراد اور اداروں پر امریکی پابندیاں ختم کر دی جائیں گی۔

اس دوران روس اور مغربی یورپی طاقتوں نے آگے آنے والی بات چیت میں ایران اور امریکا کو 2015 کے جوہری معاہدے کی مکمل تعمیل میں لانے کے ہدف کے سلسلے میں متضاد رائے دی ہے، فی الوقت یہ مذاکرات چھ دن کے لیے ملتوی کر دیے گئے ہیں۔

The post امریکا ایران جوہری معاہدے سے متعلق روسی مندوب کا دعویٰ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Ripwoo
via IFTTT