کورونا وائرس میں مبتلا مزید40 مریض جان سے ہاتھ دھو بیٹھے

اسلام آباد : پاکستان میں کورونا وائرس کے باعث مزید 40 مریض جاں بحق ہوگئے جبکہ 1ہزار 37سے زائد نئے کیسز سامنے آئے ہیں، وبا سے اموات کی مجموعی تعداد 22ہزار321 تک جا پہنچی ہے۔

تفصیلات کے مطابق نیشنل کمانڈ اینڈ آپریشن سینٹر سے کورونا کیسز کے تازہ ترین اعداد و شمار جاری کردیئے گئے ہیں، این سی او سی کا کہنا ہے کہ 24گھنٹےمیں مزید 40 کورونا مریضوں کا انتقال ہوگیا جس کے بعد مجموعی اموات22ہزار321ہوگئی۔

این سی اوسی کے مطابق 24گھنٹےمیں 46 ہزار145 ٹیسٹ کئے گئے ، جس میں سے 1ہزار37 نئے کیسز سامنے آئے۔ گزشتہ 24گھنٹے میں کورونا وائرس کے ٹیسٹ مثبت آنے کی شرح 2.2فیصد رہی۔

نیشنل کمانڈاینڈ آپریشن سینٹر کی رپورٹ میں بتایا گیا ہے کہ ملک میں کورونا وائرس کے مصدقہ کیسز کی تعداد9لاکھ58ہزار408ہوگئی جبکہ ملک بھر میں کورونا کے 1ہزار844 مریض تشویشناک حالت میں زیر علاج ہیں۔ اب تک کورونا سے متاثرہ 9 لاکھ 4 ہزار 320 افراد صحتیاب ہو چکے ہیں۔

تازہ ترین اعدادو شمار کے مطابق سندھ میں کورونا کیسزکی تعداد 3 لاکھ37 ہزار 674، پنجاب میں3لاکھ 46 ہزار 301، خیبرپختونخوا میں ایک لاکھ 38ہزار 068 ، بلوچستان میں 27 ہزار 178، آزاد کشمیر میں 20 ہزار 343 اور گلگت بلتستان میں 6 ہزار 138ہوگئی ہے۔

The post کورونا وائرس میں مبتلا مزید40 مریض جان سے ہاتھ دھو بیٹھے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3dync53
via IFTTT