بارات لینے دو دلہا پہنچ گئے، پھر کیا ہوا؟

نئی دہلی : بھارت میں دو دُلہے والدین اور باراتیوں سمیت ایک ہی دلہن کو لینے پہنچ گئے، واقعے نے سب کو دنگ کردیا۔

غیرملکی میڈیا رپورٹ کے مطابق دو بارات اور دلہے کا واقعہ بھارتی ریاست اترپردیش کے شہر نوئیڈا میں پیش آیا، واقعے کی تفصیلات کچھ اس طرح ہیں کہ موہنی نام کی لڑکی کے والدین نے ببلو نامی لڑکے سے شادی طے کی، جس کے بعد ببلو کے والدین نے اپنے بیٹے کی شادی کا شایان شان انتظام کیا اور بارات لیکر دلہن کے گھر پہنچ گئے۔

ببلو اور اس کے اہل خانہ کے پہنچنے سے قبل اجیت نامی نوجوان اپنے والدین اور باراتیوں کے ہمراہ بارات لیکر آیا اور دلہن موہنی کو بیاہ لے گیا کیوں کہ موہنی اجیت کو پسند کرتی تھی اور اس کے والدین لڑکی کی مرضی کے بغیر شادی کررہے تھے۔

موہنی نے اجیت کو اپنی بارات والے دن بارات لانے کا کہا تاکہ والدین الجھن میں پھنس جائیں اور موقع کا فائدہ اٹھا کر موہنی اجیت کے ساتھ شادی کرکے نکل گئی۔

دلہن کے کسی اور لڑکے سے شادی ہونے پر ببلو اور اس کے اہل خانہ نے شدید احتجاج کیا اور پولیس میں شکایت درج کرائی، جس پر پولیس نے دلہن اور ببلو کے والدین کو گرفتار کیا بعدازاں دلہے اجیت کو بھی حراست میں لے لیا۔

The post بارات لینے دو دلہا پہنچ گئے، پھر کیا ہوا؟ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3v26IrE
via IFTTT