کراچی پولیس نے شہریوں کے مقدمات درج کرنے روک دیے

کراچی: صوبہ سندھ کے دارالحکومت کراچی کے شہریوں کے لیے بری خبر، کراچی پولیس نے از خود مقدموں کا اندراج روک دیا جس کے بعد سائلین مقدمہ درج کروانے کے لیے دھکے کھانے پر مجبور ہوگئے۔

تفصیلات کے مطابق کراچی پولیس کے افسران اور تھانیداروں نے از خود مقدموں کا اندراج روک دیا، شہریوں کو ایک بار پھر مقدمہ درج کروانے کے لیے دھکے کھانا پڑیں گے۔

ذرائع کا کہنا ہے کہ افسران نے سابقہ ایڈیشنل آئی جی کے احکامات پر عملدر آمد روک دیا، نئے ایڈیشنل آئی جی کی جانب سے مقدمہ اندراج پر ہدایت نہیں دی گئی۔ افسران کا کہنا ہے کہ ہدایت نہ ملنے کو مقدمات کے اندراج کو روکنا سمجھا گیا۔

سابقہ ایڈیشنل آئی جی نے کرائم رجسٹریشن فری پالیسی نافذ کی ہوئی تھی، سابق ایڈیشنل آئی جی کی جانب سے مقدمہ فوری درج کرنے کے احکامات تھے۔ سابق ایڈیشنل آئی جی غلام نبی کے دور میں سب سے زیادہ مقدمات درج ہوئے۔

ذرائع کا کہنا ہے کہ پولیس مقدمات کا اندراج روک کر کارکردگی میں بہتری کا تاثر قائم کرنا چاہتی ہے تاہم ان کی وجہ سے سائلین مقدمے کے اندراج کی درخواست دینے تک کے لیے خوار ہونے پر مجبور ہیں۔

The post کراچی پولیس نے شہریوں کے مقدمات درج کرنے روک دیے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3paLXJf
via IFTTT