عمران خان کی جدوجہد شفاف نظام کے لیے ہے: فواد چوہدری

اسلام آباد: وفاقی وزیر فواد چوہدری کا کہنا ہے کہ حکومت اور اپوزیشن میں الیکشن کمیشن ارکان کے تقرر پر تعطل کا تاثر درست نہیں ہے۔

سماجی رابطے کی ویب سائٹ ٹوئٹر پر فواد چوہدری نے ٹوئٹ کیا کہ الیکشن کمیشن ارکان کے تقرر سے متعلق وزیراعظم عمران خان آئین کے مطابق اپوزیشن لیڈر سے معاملے پر رائے لیں گے۔

یہ تاثر درست نہیں ہے کہ حکومت اور اپوزیشن میں الیکشن کمیشن کےممبران کی تقرری پر کوئ لاک ڈاؤن ہے،وزیراعظم آئین کے مطابق لیڈر آف اپوزیشن سے اس معاملے پر رائےلیں گےایک مضبوط الیکشن کمیشن جس پر تمام جماعتوں کااعتماد ہوپاکستان کے مفادمیں ہے،عمران خان کی جدوجہد شفاف نظام کیلئے ہے

— Ch Fawad Hussain (@fawadchaudhry) July 27, 2021

انہوں نے لکھا کہ مضبوط الیکشن کمیشن جس پر سب کا اعتماد ہو پاکستان کے مفاد میں ہے، عمران خان کی جدوجہد شفاف نظام کےلیے ہے۔

وزیر کا کہنا تھا کہ انتخابی اصلاحات اور نیب قوانین پر حکومت کھلے دل سے آگے بڑھنا چاہتی ہے، ہم چاہتے ہیں بڑے معاملات پر پارلیمان میں اتفاق رائے پیدا ہو۔

انہوں نے مزید کہا کہ سیاسی نظام کا استحکام آئین کے احترام میں پنہاں ہے۔ انتخابات، احتساب اور قومی سلامتی پر اتفاق رائے سیاسی نظام کو استحکام دے گا۔

The post عمران خان کی جدوجہد شفاف نظام کے لیے ہے: فواد چوہدری appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3f0mY7x
via IFTTT