بسمہ معروف کے ہاں ننھی پری کی آمد

پاکستانی ویمن کرکٹ ٹیم کی کپتان بسمہ معروف کے ہاں بیٹی کی پیدائش ہوئی ہے۔

تفصیلات کے مطابق قومی کرکٹ ٹیم کی کپتان بسمہ معروف کے ہاں ننھی پری کی آمد ہوئی ہے، پی سی بی نے سوشل میڈیا اکاؤنٹ پر خاتون کرکٹر کو مبارک باد دی ہے۔

بسمہ معروف نے سماجی رابطے کی ویب سائٹ ٹویٹر پر بیٹی کی پیدائش کی اطلاع دی اور اللہ کا شکر ادا کیا۔

بسمہ کو مداحوں کی جانب سے بیٹی کی پیدائش پر مبارک باد دی جارہی ہے اور ساتھ ہی ننھی پری کو دعائیں دینے کا سلسلہ بھی جاری ہے۔

Allah SWT has blessed me with a daughter Alhamdulillah

— Bismah Maroof (@maroof_bismah) August 30, 2021

واضح رہے کہ بسمہ معروف ایک روزہ کرکٹ میں 108 میچوں میں پاکستان کی نمائندگی کرچکی ہیں جہاں انہوں نے 2602 رنز اسکور کیے جبکہ 44 وکٹیں بھی اپنے نام کیں۔

یہاں دلچسپ بات یہ ہے کہ بسمہ نے اتنے ہی بین الاقوامی ٹی ٹوئنٹی میچز میں قومی ٹیم کی نمائندگی کی ہے جہاں انہوں نے 2224 رنز اسکور کیے اور 36 وکٹیں بھی لیں۔

The post بسمہ معروف کے ہاں ننھی پری کی آمد appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3ju8NKI
via IFTTT