کراچی: آج بھی طوفانی بارش اور آندھی کا امکان

کراچی: محکمہ موسمیات کا کہنا ہے کہ کراچی اور زیریں سندھ میں آج اور کل طوفانی بارشیں متوقع ہیں، اس دوران 70 تا 90 کلو میٹر فی گھنٹہ کی رفتار سے آندھی چلنے کا امکان ہے۔

تفصیلات کے مطابق محکمہ موسمیات کا کہنا ہے کہ بحیرہ عرب میں موجود ڈپریشن شدت اختیار کر کے ڈیپ ڈپریشن میں تبدیل ہوگیا، 6 گھنٹے میں ڈیپ ڈپریشن سمندری طوفان کی شکل اختیارکرے گا۔

محکمہ موسمیات کا کہنا ہے کہ ڈیپ ڈپریشن اس وقت کراچی سے 160 کلو میٹر دور ہے، ممکنہ سمندری طوفان کا رخ مکران کی ساحلی پٹی کی جانب ہے۔

طوفان کے پیش نظر کراچی اور زیریں سندھ میں آج اور کل طوفانی بارشیں متوقع ہیں، اس دوران 70 تا 90 کلو میٹر فی گھنٹہ کی رفتار سے آندھی چلنے کا امکان ہے۔

یاد رہے کہ شہر قائد میں گزشتہ روز اور رات بھر وقفے وقفے سے بارش ہوتی رہی، بارش اور اربن فلڈ کے خطرے کے پیش نظر تمام محکموں کو الرٹ کردیا گیا ہے۔

The post کراچی: آج بھی طوفانی بارش اور آندھی کا امکان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3ipmWYx
via IFTTT