رمیز راجہ نے پرانے ٹویٹس ڈیلیٹ کردیے

کراچی: پی سی بی کے متوقع چیئرمین رمیز راجہ نے اپنے پرانے ٹویٹ ڈیلیٹ کردیے۔

تفصیلات کے مطابق چیئرمین پی سی بی کے لیے سابق کرکٹر رمیز راجہ مضبوط امیدوار ہیں، بورڈ آف گورنرز کے الیکشن میں رمیز راجہ کو چیئرمین پی سی بی تعینات کیا جائے گا۔

واضح رہے کہ احسان مانی کی مدت پوری ہوگئی تھی جس کے بعد انہوں نے وزیراعظم عمران خان سے مزید کام کرنے سے معذرت کرلی تھی۔

رمیز راجہ نے گزشتہ دنوں وزیراعظم عمران خان سے ملاقات کی تھی جس میں ڈومیسٹک کرکٹ اور قومی کرکٹ ٹیم سے متعلق امور پر تبادلہ خیال کیا گیا تھا۔

واضح رہے کہ وزیراعظم پاکستان نے پاکستان کرکٹ بورڈ کے پیٹرن کی حیثیت سے اپنے اختیارات کا استعمال کرتے ہوئے پاکستان کرکٹ بورڈ کے بورڈ آف گورنرز میں رمیز راجہ اور اسد علی خان کو بطور رکن نامزد کیا ہے۔

نوٹیفکیشن میں کہا گیا تھا کہ اسد علی خان کی یہ دوسری مدت ہوگی۔ وہ اس وقت بھی بورڈ آف گورنرز میں شامل ہیں۔

رمیز راجہ اور اسد علی خان کے عہدوں کی میعاد پاکستان کرکٹ بورڈ کے آئین کے مطابق تین سال ہو گی۔

پی سی بی کے متوقع چیئرمین رمیز راجہ نے سماجی رابطے کی ویب سائٹ ٹویٹر پر اپنے پیغام میں بتایا کہ ’ماضی میں کیے کچھ ٹویٹ ڈیلیٹ کردیے ہیں، سپورٹ کرنے کا شکریہ، کام سے قابلیت ثابت کروں گا۔

Just deleted couple of tweets. Felt I was beating my chest. Many thanks though for backing me. Let actions speak!

— Ramiz Raja (@iramizraja) September 2, 2021

The post رمیز راجہ نے پرانے ٹویٹس ڈیلیٹ کردیے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3t7KyVQ
via IFTTT