فیس بک اور انسٹاگرام کی سروسز ایک بار پھر متاثر

سان فرانسسکو : دنیا بھر میں سماجی رابطے کی سب سے بڑی ویب سائٹ فیس بک اور انسٹاگرام کی سروسز ایک مرتبہ پھر متاثر ہوگئیں۔

بین الاقوامی میڈیا رپورٹ کے مطابق سماجی رابطے کی معروف ویب سائٹ فیس بک کے زیر ملکیت انسٹاگرام اور میسنجر کی سروس اچانک متاثر ہونے کی مصدقہ اطلاعات موصول ہوئیں البتہ انتظامیہ کی جانب سے کوئی اس ضمن میں کوئی تصدیق یا تردید نہیں کی گئی۔

واضح رہے کہ فیس بک کی جانب سے اپنی کمپنی نام تبدیل کرنے کے بعد یہ پہلا موقع ہے جب میسنجر اور انسٹاگرام کی سروسز متاثر ہوئی ہیں۔

اس سے قبل گزشتہ ماہ اکتوبر میں مسلسل 7 گھنٹے تک فیس بک اور اس کے زیر ملکیت تمام ایپس بشمول انسٹاگرام اور واٹس ایپ کی سروسز معطل رہی تھیں جس کے باعث کمپنی کو اربوں ڈالر کا نقصان ہوا تھا۔

The post فیس بک اور انسٹاگرام کی سروسز ایک بار پھر متاثر appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3bBL0Ur
via IFTTT