لائیو اسٹریمنگ سے متعلق چین کا اہم فیصلہ

بیجنگ: چین نے لائیو اسٹریمنگ سیکٹر کے ضابطوں کو مزید سخت کرنے کا اعلان کر دیا ہے۔

تفصیلات کے مطابق سائبر اسپیس ایڈمنسٹریشن آف چائنا، اسٹیٹ ٹیکسیشن ایڈمنسٹریشن اور اسٹیٹ ایڈمنسٹریشن فار مارکیٹ ریگولیشن کی جانب سے مشترکہ طور پر جاری سرکلر میں کہا گیا ہے کہ لائیو اسٹریمنگ اکاؤنٹ رجسٹریشن کے انتظام کو بہتر بنایا جا رہا ہے۔

سرکلر کے مطابق لائیو اسٹریمرز کے ساتھ ساتھ لائیو اسٹریمنگ پلیٹ فارمز کو صارفین میں افواہیں پھیلانے، خود کو فائدہ پہنچانے یا جھوٹی تشہیر کے ذریعے مصنوعات کی فروخت کی اجازت نہیں دی جائے گی۔

سرکلر میں کہا گیا ہے کہ پلیٹ فارمز اور متعلقہ اداروں کو انفرادی انکم ٹیکس کی ادائیگی طے شدہ شرائط کے مطابق ادا کرنے کی ذمہ داریوں کو پورا کرنا ہوگا، اور جو کوئی بھی ٹیکس چوری یا ٹیکس سے متعلق کسی دوسرے جرم کا ارتکاب کرے گا اسے قانون کے مطابق انصاف کے کٹہرے میں لایا جائے گا۔

سرکلر میں یہ بھی بتایا گیا کہ اداروں کی جانب سے پلیٹ فارمز، اداروں اور لائیو اسٹریمرز کے قانونی حقوق اور مفادات کا تحفظ کیا جائے گا۔

from ARYNews.tv | Urdu – Har Lamha Bakhabar https://ift.tt/80wk5Sz
via IFTTT