پاکستان کی سویڈن میں قرآن پاک کی بےحرمتی کی سخت مذمت

پاکستان نے سویڈن میں قرآن پاک کی بےحرمتی کے مکروہ عمل کی سخت مذمت کی ہے۔

ترجمان دفتر خارجہ نے سویڈن میں ریلی کے دوران قرآن پاک کی برحمتی اور نیدرلینڈ کے سیاسی رہنما کی جانب سے گستاخانہ بیان پر سخت ردعمل دیا ہے۔

ترجمان نے بیان میں کہا ہے کہ سویڈن میں قرآن پاک کی بےحرمتی کے مکروہ عمل اور نیدرلینڈ کے مسلمانوں اور رمضان کیلئے گستاخانہ بیان کی شدیدمذمت کرتے ہیں۔

ترجمان نے باور کرایا ہے کہ عقل سے عاری اسلاموفوبیا پر مبنی عمل سے مسلمانوں کی دل آزاری ہوئی ہے ایسی حرکات سے دنیا بھر میں بسنے والے ڈیڑھ ارب مسلمانوں کے جذبات مجروح ہوئے ہیں۔

ترجمان دفتر خارجہ کا کہنا ہے کہ اس طرح کے مکروہ عمل کسی طور بھی آزادی اظہاررائے کے زمرے میں نہیں آتے ایسی کارروائیاں نہ تو انسانی حقوق کے بین الاقوامی قانون کے تحت آتی ہیں اور نہ ہی رائے کی آزادی کے زمرے میں آتی ہے۔

from ARYNews.tv | Urdu – Har Lamha Bakhabar https://ift.tt/mKd7wg2
via IFTTT