’الزامات بے بنیاد ہیں‘ الیکشن کمیشن کا عمران خان کے بیان پر ردعمل

 اسلام آباد: الیکشن کمیشن نے سابق وزیراعظم عمران خان کے بیان کو چیف الیکشن کمشنر کے خلاف بے بنیاد الزامات قرار دے دیا۔

ایکسپریس نیوز کے مطابق سابق وزیر اعظم و چیئرمین پاکستان تحریک انصاف عمران خان نے شیخوپورہ جلسے سے خطاب کرتے ہوئے الیکشن کمیشن آف پاکستان کو جانبدار قرار دیتے ہوئے کہا تھا کہ الیکشن کمیشن پوری طرح سے حمزہ شہباز کیساتھ ملکر لوٹوں کو جتوانے کی کوشش کررہا ہے۔

عمران خان کے بیان پر الیکشن کمیشن کا ردعمل سامنے آیا ہے جس میں الیکشن کمیشن نے چیئرمین پی ٹی آئی کے بیان کو چیف الیکشن کمشنر کے خلاف بے بنیاد الزامات قرار دیا۔

الیکشن کمیشن نے سابق وزیراعظم کے بیان کی مذمت کرتے ہوئے کہا کہ غداری کے فتوے بانٹنے سے کوئی ادارہ غدار نہیں ہوجاتا۔

الیکشن کمیشن کی جانب سے جاری کردہ بیان میں وضاحت کی گئی کہ الیکشن کمیشن کسی اشتعال میں آئے بغیر اپنے تمام فیصلے آئین اور قانون کے مطابق کرتا رہے گا اور کسی دباو میں نہیں آئے گا۔

The post ’الزامات بے بنیاد ہیں‘ الیکشن کمیشن کا عمران خان کے بیان پر ردعمل appeared first on ایکسپریس اردو.

source https://www.express.pk/story/2345901/1