ایشیا کپ کہاں ہوگا، اعلان ہوگیا

ایشین کرکٹ کونسل نے ایشیا کپ 2022 سری لنکا میں کروانے کی منظوری دے دی ہے۔

میڈیا رپورٹ کے مطابق ایشین کرکٹ کونسل نے ایشیاکپ سری لنکا میں کروانےکی منظوری دے دی، ایشیا کپ 27 اگست سے 11 ستمبر تک کھیلا جائے گا، ٹورنامنٹ میں 13 میچز کھیلے جائیں گے، روایتی حریفوں پاکستان اور بھارت کے درمیان میچ 28 اگست کو کھیلا جائے گا۔

ایشیا کپ میں پاکستان، بھارت، بنگلہ دیش، افغانستان، سری لنکا اور ایک کوالیفائر ٹیمیں حصہ لیں گی۔ ٹورنامنٹ میں پہلا راؤنڈ 21 اگست سے شروع ہوگا جو کوالیفائنگ راؤنڈ ہوگا۔

خیال رہے کہ اس سے قبل اطلاعات سامنے آئی تھی کہ سری لنکا میں ابتر معاشی اور سیاسی صورتحال کے پیش نظر ایشیا کپ کی میزبانی بنگلادیش کو ملنے کا امکان ہے۔

گزشتہ عرصے میں دو بار کورونا وبا کے باعث ایشیا کپ 2022 ملتوی ہوچکا ہے۔

from ARYNews.tv | Urdu – Har Lamha Bakhabar https://ift.tt/xBudeUg
via IFTTT