مسلم لیگ ن کا نواز شریف کے بیانے پر عوامی مہم چلانے کا فیصلہ

 لاہور: مسلم لیگ ن پنجاب کی قیادت کا میاں نواز شریف کے بیانیے کو لے کر چلنے کا فیصلہ کرلیا۔

ایکسپریس نیوز کے مطابق مسلم لیگ (ن) پنجاب پارلیمانی ایڈوائزری گروپ کے اجلاس کی اندرونی کہانی سامنے آگئی، پارلیمانی ایڈوائزری گروپ کے اجلاس میں میاں نواز شریف کے بیانیے کو لے کر آگے چلنے اور مکمل اعتماد کا اظہار کیا گیا۔

ذرائع کا کہنا ہے کہ ن لیگ پنجاب کی قیادت نے حمزہ شہباز پر مکمل اعتماد کا اظہار کیا اور اسپیکر کے مقابلے کے لئے اسپیکر کے نام کا انتخاب پیپلز پارٹی سے لینے پر بھی غور کیا گیا۔

ذرائع کا کہنا ہے کہ ن لیگی قیادت کی جانب سے اراکین اسمبلی کو کل سے پنجاب اسمبلی اجلاس میں شرکت کا بھی کہا گیا ہے۔

ن لیگ کے اراکین اسمبلی کا کہنا ہے کہ حکومت کی جانب سے ڈپٹی اسپیکر کے خلاف تحریک عدم اعتماد کی صورت میں ن لیگ اور اتحادی دوست محمد مزاری کا بھرپور دفاع کریں گے۔

اجلاس کے آخر میں ن لیگ پنجاب کی قیادت نے صوبے میں عوامی رابطہ مہم شروع کرنے کا بھی فیصلہ کیا۔

The post مسلم لیگ ن کا نواز شریف کے بیانے پر عوامی مہم چلانے کا فیصلہ appeared first on ایکسپریس اردو.

source https://www.express.pk/story/2353239/1