بہاولپور رائلز پاکستان جونیئر لیگ کا چیمپئن بن گیا

گودار شارکس کو 86 رنز کے بڑے مارجن سے شکست دے کر بہاولپور رائلز نے پاکستان جونیئر لیگ کا پہلا ایڈیشن جیت لیا۔

لاہور کے قذافی اسٹیڈیم میں کھیلے گئے فائنل میں بہاورلپور نے گودار کو آوٹ کلاس کرتے ہوئے ٹائٹل اپنے نام کر لیا۔ فاتح ٹیم کے 226 رنز کے بڑے ٹوٹل کے تعاقب میں حریف ٹیم 16 ویں اوورز میں صرف 139 رنز پر ڈھیر ہو گئی۔

بہاولپور کی جانب سے شاہویز نے 32 گیندوں پر 79 رنز کی جارحانہ اننگز کھیلی اور ٹاپ اسکورر رہے جب کہ طیب عارف نے 34 گیندوں پر 56 رنز بنائے۔

بلے بازوں کے بعد بولرز نے بھی عمدہ بولنگ کرتے ہوئے گوادر کی بیٹنگ لائن کو تباہ کر دیا۔ فاسٹ بولر ذیشان اور خراتوئی نے 3، 3 وکٹیں حاصل کیں۔

گوادر شارکس کے شاہمیل نے 67 رنز کی اننگز کھیل کر کچھ مزاحمت کی، ان کے علاوہ کوئی بلے باز جم کر نہ کھیل سکا۔ ابراہیم نے 20 اور منہاس نے 19 رنز بنائے۔

from ARYNews.tv | Urdu – Har Lamha Bakhabar https://ift.tt/IPJcF81
via IFTTT