سنسنی خیز مقابلے کے بعد نیدرلینڈز اور ایکواڈور کا میچ برابر

دوحا: سنسنی خیز مقابلے کے بعد نیدرلینڈز اور ایکواڈور کا میچ برابر ہوگیا۔

تفصیلات کے مطابق دوحا کے خلیفہ انٹرنیشنل اسٹیڈیم میں فیفا ورلڈکپ کے لئے گروپ اے سے نیدرلینڈز اور ایکواڈور آمنے سامنے ہوئیں۔

میچ کے چھٹے منٹ میں نیدرلینڈز کے کوڈی گاکپاؤ نے لانگ پاس کی مدد سے شاندار گول کرتے ہوئے اپنی ٹیم کو ایک صفر کی برتری دلادی۔
کھیل کے پہلے ہاف تک ڈچ ٹیم کی برتری برقرا رہی۔

یہ بھی پڑھیں: میگا ایونٹ میں قطر کو مسلسل دوسری شکست کا سامنا

دوسرے ہاف کے آغاز کے ساتھ ہی ایکواڈور نے جارحانہ حکمت عملی اپنائی اور وہ 49 ویں منٹ میں میچ برابر کرنے میں کامیاب ہوگئے س کے بعد دونوں ٹیموں نے ایک دوسرے کے گول پوسٹ پر متعدد حملے کئے مگر کوئی بھی ٹیم مزید گول نہ کرسکی۔

واضح رہے کہ فیفا ورلڈکپ میں نیدرلینڈز نے افریقی چیمپئن سینیگال کو شکست دے کر میگا ایونٹ میں اپنی پہلی فتح اپنے نام کی تھی جبکہ
ایکواڈور نے میزبان ملک قطر کو کو 0-2 سے شکست دی تھی۔

from ARYNews.tv | Urdu – Har Lamha Bakhabar https://ift.tt/o7CPgEr
via IFTTT