سکھر : آن لائن گیم فروخت کرنے والا دھوکہ باز گرفتار

سکھر : آن لائن گیمز کی فروخت کے نام پر شہریوں کو لوٹنے والا دھوکہ باز ملزم کو ایف آئی اے سائبر کرائم نے حراست میں لے لیا۔

تفصیلات کے مطابق ایف آئی اے سائبر کرائم سرکل گوجرانوالہ کے عملے نے سکھر شہر میں کامیاب کارروائی کرکے دھوکہ دہی میں ملوث ملزم کو گرفتار کرلیا۔

اس حوالے سے ایف آئی اے سائبرکرائم افسران نے میڈیا کو بتایا کہ ملزم سعید خان کو سندھ کے شہر سکھر سے گرفتار کیا گیا ہے۔

ذرائع کے مطابق ملزم نے آن لائن گیم فروخت کرنے کا جھانسہ دے کر شہری سے 5لاکھ92ہزار روپے ہتھیائے تھے۔

ایف آئی اے سائبر کرائم کے مطابق ملزم سعید خان نے گیم فروخت کرنے کے بعد متعلقہ شخص کا بینک اکاؤنٹ ہیک کیا اور بلیک میل کرتے ہوئے مزید رقم کا تقاضہ بھی کیا۔

ذرائع کے مطابق ملزم شکایت کنندہ خریدار اور اس کے اہل خانہ کو سنگین نتائج کی دھمکیاں بھی دیتا رہا، ملزم کے زیر استعمال موبائل فون سے قابل اعتراض مواد بھی برآمد ہوا ہے۔

from ARYNews.tv | Urdu – Har Lamha Bakhabar https://ift.tt/E7rcnsO
via IFTTT