ایک ٹانگ سے معذور باہمت نوجوان نے سب کو حیران کردیا، ویڈیو وائرل

ارادے مضبوط اور نیت سچی ہو تو کوئی بھی رکاوٹ انسان کی کامیابی کے آڑے نہیں آتی اور نہ ہی محنت کبھی بھی رائیگاں جاتی ہے، اگر انسان ہمت نا ہارے تو ایک نہ ایک دن اسے اپنی محنت کا صلہ ضرور ملتا ہے۔

ایسے باہمت قسم کے لوگوں کے ایسے شاندار کارنامے اس بات کی جانب اشارہ کرتی ہیں کہ اگر ہم کسی چیز کو حاصل کرنے کا فیصلہ کرلیں تو ہمیں اس سے کوئی نہیں روک سکتا۔

سوشل میڈیا پر ایک ویڈیووائرل ہورہی ہے جس میں دیکھا جا سکتا ہے کہ نوجوان کو ایک ٹانگ سے معذور ہے اور وہ پروفیشنل ویٹ لفٹر کی طرح وزن اٹھا رہا ہے۔

وائرل ویڈیو میں دیکھا جا سکتا ہے کہ معذور لڑکا ایک جم میں موجود ہے اور ایک ٹانگ سے محروم ہونے کے باوجود وہ وزن اٹھانے کے ساتھ اپنا توازن بھی برقرار رکھے ہوئے ہے۔

Venciendo obstáculos un ejemplo a seguir. pic.twitter.com/MMUHIYvPy5

— Solo para Curiosos (@Solocuriosos_1) March 6, 2023

سماجی رابطے کی ویب سائٹ ٹوئٹر پر شیئر کی جانے والی ویڈیو میں ایک معذور نوجوان کو کسی جم میں روزش کرتے ہوئے دکھایا گیا ہے، وہ نوجوان باربل کے دونوں جانب لگی وزنی پلیٹوں کو اٹھانے کی کوشش کر رہا ہے، پہلے وہ وزن کو کوشش کرکے اپنی ٹھوڑی تک اٹھاتا ہے اور چند لمحوں کے بعد اپنا توازن برقرار رکھتے ہوئے باربل کو مزید بلندی پر لے جاتا ہے۔

ویڈیو کو چند ہی گھنٹوں میں ہزاروں بار لائیک کیا جاچکا ہے اور سوشل میڈیا پر صارفین کی جانب سے نوجوان کو ہمت پر داد بھی دی جا رہی ہے۔

from ARYNews.tv | Urdu – Har Lamha Bakhabar https://ift.tt/6plSZYE
via IFTTT