گورنرسندھ کا 50 ہزار نوجوانوں کو مفت آئی ٹی کورس کروانے کا اعلان

گورنر سندھ کامران ٹیسوری نے کہا ہے کہ پچاس ہزار کراچی کے نوجوان بچے بچیاں گورنر ہائوس میں آئی ٹی کے جدید کورس کریں گی۔

گورنر ہاؤس میں منعقدہ تقریب سے خطاب کرتے ہوئے انہوں نے کہا کہ یہ سب کسی سفارشی کے لیے نہیں ہوگا یہ آئی ٹی کورس کرنے والے نوجوان ماہانہ دو سے تین لاکھ کمائیں گے یہ کورسز بلکل مفت ہوں گے۔

گورنر سندھ نے کہا کہ طاقتور پاکستان پروگرام کے تحت ایک ماہ کا راشن چھ ماہ تک لوگوں کو پہنچایا جائے گا۔
گورنر سندھ نے اپنے ڈرائیور موہن کو اسٹیج پر بلا کر گلے لگایا اور عید کی مبارکباد دی۔

انہوں نے کہا کہ یہ گورنر ہائوس عوام کا ہے عوام اور میرا ساتھ اب ختم نہیں ہوگا جب تک میں اس ہائوس میں ہوں اس گھر کا رابطہ عوام سے نہیں ٹوٹے گا، افطار ، سحریاں ، عید ملن اور چاند رات ہوگئی اب اہم کام کرنا ہے ، اس ملک کے وزراء اور حکومتوں نے پاکستان کو لوٹ کر جو غریب کیا ہے اسے اب امیر کرنا ہے۔

کامران ٹیسوری کا کہنا تھا کہ کیا اس ملک میں عوام کو روزگار کے مواقع حاصل ہیں ؟؟؟ کیا سب کے گھر میں گیس آرہی ہے؟ کیا ایک کڑور نوکریاں جسکو ملی ان میں سے کوئی یہاں موجود ہے؟ کیا اس شخص کے دور میں عوام اسی طرح گورنر ہائوس آتے تھے؟ اس شخص نے تو بولا تھا کہ گورنر ہائوس کی دیواریں گرا کر تعلیمی ادارہ بنائیں گے؟ کیا پانی نلکوں میں آرہی ہے؟ کیا ٹینکر مافیا کو لگام نہیں دینا اگر یہ سب کام کرنا ہے تو عوام کو میرا ساتھ دینا ہوگا۔

from ARYNews.tv | Urdu – Har Lamha Bakhabar https://ift.tt/W2gQDua
via IFTTT