نوازشریف عید کس ملک میں منائیں گے ؟ بڑی خبر سامنے آگئی

لندن : سابق وزیر اعظم اور پاکستان مسلم لیگ نواز (پی ایم ایل این) کے سربراہ نواز شریف رمضان المبارک کے آخری عشرے میں سعودی عرب کا دورہ کریں گے۔

ذرائع سے ملنے والی اے آر وائی نیوز کی خبر کے مطابق سابق وزیراعظم نوازشریف کی ماہ رمضان کے آخری دس روز میں لندن سے سعودی آمد متوقع ہے، وہ رمضان کا آخری عشرہ مکہ اور مدینہ میں گزاریں گے۔

ذرائع کا مزید کہنا ہے کہ اس بات کا بھی قوی امکان ہے کہ وہ عیدالفطر بھی سعودی عرب میں ہی منائیں۔

واضح رہے کہ میاں نواز شریف صحت کی خرابی کے باعث علاج کی غرض سے گزشتہ تین سال کے زائد عرصے سے انگلینڈ کے دارالحکومت لندن میں مقیم ہیں۔

گزشتہ سال یہ بات سامنے آئی تھی کہ ڈاکٹروں نے پاکستان مسلم لیگ نواز کو سعودی عرب جانے یا عمرہ نہ کرنے کا مشورہ دیا تھا۔

ذرائع کا کہنا ہے کہ لندن کے ڈاکٹروں نے نواز شریف کو صحت کی خرابی کے باعث واپس پاکستان نہ جانے کا بھی مشورہ دیا ہے۔

from ARYNews.tv | Urdu – Har Lamha Bakhabar https://ift.tt/IQ7dH6E
via IFTTT