اینٹی کرپشن نے عمر سرفراز چیمہ کو گرفتار کرلیا

لاہور: پاکستان تحریک انصاف (پی ٹی آئی) کے رہنما اور سابق گورنرپنجاب عمر سرفراز چیمہ کو اینٹی کرپشن حکام نے گرفتار کرلیا۔

اینٹی کرپشن حکام کے مطابق عمر سرفراز چیمہ کو ان کےگھر سے حراست میں لیا گیا ہے، عمر چیمہ پر اختیارات کے ناجائز استعمال کا مقدمہ درج ہے۔

اینٹی کرپشن حکام کا کہنا ہے کہ عمر چیمہ 3 نوٹسز کے باوجود بھی تفتیش میں پیش نہ ہوئے جس کے بعد آج انہیں گرفتار کیا گیا ہے۔

ایڈیشنل ڈی جی وقاص الحسن کے مطابق عمر سرفراز چیمہ کو حراست میں لینے کے بعد لاہور پولیس کے حوالے کردیا،  پولیس نے عمر سرفراز چیمہ کے خلاف مقدمہ درج کر رکھا ہے، پنجاب پولیس کی کارروائی کے بعد اینٹی کرپشن کارروائی کریگی۔

from ARYNews.tv | Urdu – Har Lamha Bakhabar https://ift.tt/BqumJPy
via IFTTT