ترک صدر اردوان نے تنخواہوں میں اضافے کا اعلان کر دیا

ترکیہ کے صدر رجب طیب اردوان نے سرکاری ملازمین کی تنخواہوں میں 45 فیصد تک اضافے کا اعلان کر دیا۔

بین الاقوامی میڈیا رپورٹس کے مطابق صدر اردوان کی جانب سے یہ اعلان 14 مئی کو ہونے والے صدارتی و پارلیمانی انتخابات سے چند روز قبل ہی کیا گیا ہے۔

اردگان نے تنخواہ میں اضافے کا اعلان منگل کو انقرہ میں ایک اجلاس میں کیا جس میں عوامی اجتماعی بارگیننگ ایگریمنٹ پروٹوکول نامی ایک فریم ورک کے ذریعے عوامی کارکنوں کے معاشی اور سماجی حقوق پر تبادلہ خیال کیا گیا۔

حکومت کی ویب سائٹ پر ایک بیان کے مطابق صدر نے کہا کہ ہم تنخواہوں میں 45 فیصد اضافہ کر رہے ہیں جس سے سرکاری ملازمین کی کم از کم اجرت 15ہزار لیرا ہو جائے گی۔

اردگان نے مزید کہا کہ وہ سرکاری ملازمین کی اجرتوں اور پنشن میں اضافے پر کام جاری رکھیں گے۔

from ARYNews.tv | Urdu – Har Lamha Bakhabar https://ift.tt/Ekxz1oZ
via IFTTT