آج ملک بھر میں یوم تکریم شہدا منایا جا رہا ہے

اسلام آباد: آج ملک بھر میں یوم تکریم شہدا منایا جا رہا ہے، ملک بھر میں شہدا کے ایصال ثواب کے لیے نماز فجر کے ساتھ مساجد میں قرآن خوانی اور دعائیں کی گئیں، جی ایچ کیو کی یادگار شہدا پر آج مرکزی تقریب کا انعقاد کیا جائے گا۔

تفصیلات کے مطابق یوم تکریم شہدا پر تمام کنٹونمنٹس، پاک آرمی، پاک فضائیہ و بحریہ یونٹس میں قرآن خوانی کا اہتمام کیا گیا، ملک بھر میں افواجِ پاکستان، پولیس و دیگر قانون نافذ کرنے والے اداروں کی یادگارِ شُہدا پر سلامی دی جائے گی۔

پاکستان ایئر فورس اور پاکستان نیول ہیڈکوارٹرز میں بھی یادگار شہدا پر خصوصی تقاریب ہوں گی، پولیس کی متعدد یادگار شہدا پر تقریبات بھی منعقد کی جائیں گی، صوبائی دارالحکومتوں، آزاد کشمیر، گلگت بلتستان میں بھی یادگار شہدا پر تقریبات کا انعقاد ہوگا۔

ملک بھر میں شہدا کی قبروں پر فاتحہ خوانی کی جائے گی، یہ دن اپنے شہدا سے والہانہ محبت کا پیغام دے گا، شہدا کی بے لوث قربانیوں کو خراجِ تحسین پیش کرنے کے لیے’’یومِ تکریمِ شہدا پاکستان‘‘ منانے کا فیصلہ کیا گیا ہے۔

اس دن کا مقصد شہدا کی لازوال قربانیوں کی یاد تازہ کرنا ہے، شہدا اور اُن کی فیملیز اور یادگاروں کی تکریم اور احترام ہر پاکستانی کا فخر ہے۔

from ARYNews.tv | Urdu – Har Lamha Bakhabar https://ift.tt/RPz42St
via IFTTT