عالیہ کا والد مہیش بھٹ کے حوالے سے اہم انکشاف

بالی وڈ کی ٹاپ اداکاراؤں میں سے ایک عالیہ بھٹ نے اپنے والد کے حوالے سے انکشاف کیا ہے کہ مشکل مالی حالات کے سبب مہیش بھٹ شراب نوشی کی لت میں مبتلا ہوگئے تھے۔

نامور فلمساز کے ماضی کے بارے میں بات کرتے ہوئے ان کی بیٹی کا کہنا تھا کہ ماضی میں جب والد کی کئی فلمیں ناکام ہوئیں تو ہمیں مالی مسائل کا سامنا کرنا پڑا، ان مشکل حالات میں میرے والد کو شراب نوشی کی بُری لت لگ گئی تھی۔

ایک انٹرویو معروف اداکارہ نے اپنی والدہ سونی رازدان اور والد مہیش بھٹ کی بالی ووڈ نگری میں جدوجہد اور مالی مشکلات سے متعلق کھل کر گفتگو کی۔

عالیہ بھٹ نے کہا کہ شراب نوشی کی لت کے خلاف ان کے والد نے جنگ لڑی اور اپنی اس بری عادت کوترک کیا، اداکارہ کے مطابق ان کے والدین نے موجودہ مقام تک پہنچنے کے لیے بہت جدوجہد کی ہے۔

سونی رازدان کے کیریئر کے حوالے سے کہا انھوں نے بتایا کہ بغیر کسی انڈسٹری کنیکشن کے میری والدہ نے اپنے کیریئر کا آغاز کیا تھا، انھیں ہندی نہیں آتی تھی لیکن اس کے باوجود انھوں نے محنت نہیں چھوڑی۔

روکی اور رانی کی پریم کہانی کی اداکارہ نے کہا کہ ان کی ماں نے محنت و لگن سے ٹیلی ویژن، فلم اور تھیٹر میں اداکاری کے مختلف مواقع حاصل کیے جس کے بعد آج وہ اس مقام پر موجود ہیں۔

from ARYNews.tv | Urdu – Har Lamha Bakhabar https://ift.tt/ZBWGitH
via IFTTT