سیکیورٹی فورسز کا قلات میں انٹیلی جنس بیسڈ آپریشن،2 دہشت گرد ہلاک

سیکیورٹی فورسز کی جانب سے قلات میں انٹیلی جنس بیسڈ آپریشن کیا گیا جس میں 2 دہشت گرد جہنم واصل ہوگئے۔

تفصیلات کے مطابق آئی ایس پی آر کی جانب سے جاری بیان میں کہا گیا ہے کہ سیکیورٹی فورسز نے قلات میں انٹیلی جنس بیسڈ آپریشن کیا۔ آپریشن میں 2 دہشت گردوں کو جہنم واصل کردیا گیا۔

دہشت گردوں سے اسلحہ، گولہ بارود اور دھماکا خیزمواد بھی برآمد ہوا۔ ہلاک دہشت گرد فورسز پر حملوں اور عام شہریوں کی ٹارگٹ کلنگ میں ملوث تھے۔

آئی ایس پی آر کا کہنا ہے کہ علاقے میں ممکنہ دہشت گردوں کے خاتمے کیلئے آپریشن جاری ہے۔ فورسز قوم کیساتھ مل کر بلوچستان کے امن کو سبوتاژ کرنے کی کوششیں ناکام بنادیں گی۔

from ARYNews.tv | Urdu – Har Lamha Bakhabar https://ift.tt/ATINuJq
via IFTTT