سمندری ہوائیں چلنے سے شہر کا مجموعی درجہ حرارت بڑھ گیا

کراچی: سمندری ہوائیں چلنے سے شہر کا مجموعی پارہ پھر بڑھ گیا جب کہ صبح دھند کی وجہ سے حد نگاہ کم ہوکر 1500 میٹر رہ گئی تھی۔

اتوار کی صبح شہر کا مطلع چندگھنٹوں کے لیے جزوی ابر آلود رہا بعدازاں تیز دھوپ نکلنے اور سمندر کی جنوب مغربی ہواؤں کے سبب درجہ حرارت بڑھ گیا،صبح کے وقت شہر میں سائبیرین شمال مشرقی کم رفتار ہوائیں چلیں ،اتوار کو کم سے کم درجہ حرارت 13 اورزیادہ سے زیادہ 28 ڈگری رہا،صبح کے وقت ہوا میں نمی کا تناسب 89 جبکہ شام کو 56 فیصد رہا۔

محکمہ موسمیات کے مطابق آج (پیر) کومطلع دن کے وقت ابرآلود اور صاف رہنے جبکہ رات میں خنک رہنے کی توقع ہے۔

 

The post سمندری ہوائیں چلنے سے شہر کا مجموعی درجہ حرارت بڑھ گیا appeared first on ایکسپریس اردو.

source https://www.express.pk/story/1967077/1