ملتان: پاکستان سپر لیگ 5 میں دل چسپ اور سنسنی خیز مقابلے جاری ہیں، ان مقابلوں کے ساتھ ہی پاکستان میں کرکٹ کے میدان بھرپور طور سے آباد ہو گئے ہیں، ایونٹ میں آج بھی 2 میچز کا فیصلہ ہوگا۔
اے آر وائی نیوز کے مطابق پی ایس ایل فائیو کا میلہ پاکستان میں پوری آب و تاب سے جاری ہے، انٹرنیشنل کھلاڑیوں کے ایکشن پاکستانی میدانوں میں دیکھنے کے لیے شائقین جوق در جوق اسٹیڈیم کا رخ کر رہے ہیں، میچز کے سلسلے میں سیکورٹی کے بھی بہت سخت انتظامات کیے گئے ہیں۔
ایونٹ میں آج ملتان کرکٹ اسٹیڈیم میں 12 ویں میچ میں ہوم ٹیم سلطانز دفاعی چیمپئن کوئٹہ گلیڈی ایٹرز سے ٹکرائے گی، جب کہ دوسرا میچ راولپنڈی میں اسلام آباد یونائیٹڈ اور پشاور زلمی کے درمیان کھیلا جائے گا، یہ ایونٹ کا 13 واں میچ ہوگا۔
10 واں میچ: ملتان سلطانز نے کراچی کنگز کو شکست دیدی
اب تک پی ایس ایل فائیو میں دفاعی چیمپئن کوئٹہ گلیڈی ایٹرز 3 میچز، ملتان سلطانز 3 میچز، اسلام آباد یونائیٹڈ 2 میچز، پشاور زلمی 2 میچز جیت چکی ہیں، کراچی کنگز 1 جب کہ لاہور قلندرز نے کوئی میچ نہیں جیتا۔ کراچی نیشنل اسٹیڈیم میں 4 میچز کھیلے جا چکے ہیں، لاہور قذافی اسٹیڈیم میں 3 میچز، جب کہ ملتان اور پنڈی اسٹیڈیمز میں 2،2 میچز کھیلے جا چکے ہیں۔
12 واں میچ ملتان اسٹیڈیم: ملتان سلطان بمقابلہ کوئٹہ گلیڈی ایٹرز (وقت دوپہر 2 بجے)
13 واں میچ پنڈی اسٹیڈیم: اسلام آباد یونائیٹڈ بمقابلہ پشاور زلمی (وقت شام 7 بجے)
11 واں میچ: لاہور قلندرز شکستوں کے بھنور میں پھنس گئی، زلمی کی فتح
گزشتہ روز پاکستان سپر لیگ 5 کے 10 ویں میچ میں ملتان سلطانز نے کراچی کنگز کو 52 رنز سے شکست دی، جب کہ 11 ویں میچ میں پشاور زلمی نے لاہور قلندرز کو بہ آسانی 16 رنز سے شکست دی۔
from ARYNews.tv | Urdu – Har Lamha Bakhabar https://ift.tt/2wXeCKN
via IFTTT
No comments:
Post a Comment
please do not enter ant\y spam link in comment box