کورونا وائرس کی غیر تصدیق شدہ ٹیسٹ کٹس، فواد چوہدری نے خبردار کردیا

اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ کورونا وائرس کی غیر تصدیق شدہ ٹیسٹ کٹس کی بھرمار ہو رہی ہے، اگربیمارمریض کو ٹیسٹ صحت مند ظاہر کر دے گا تو اس کا مطلب کئی جانوں کو خطرے میں ڈالنا ہے۔
تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ صوبائی حکومتوں اوراین ڈی ایم اےکووارننگ دیناچاہتاہوں کہ کورونا وائرس کی غیر تصدیق شدہ ٹیسٹ کٹس کی بھرمار ہو رہی ہے ، جو ایک خطرے کی علامت ہے۔
فواد چوہدری کا کہنا تھا اگر کورونا ٹیسٹ بیمارمریض کو صحت مند ظاہر کردے تو اس کا مطلب کئی جانوں کوخطرےمیں ڈالنا ہے اور صرف تصدیق شدہ کٹس ہی امپورٹ کرنے کی ضرورت پر زور دیا۔

صوبائ حکومتوں اور NDMA کو وارننگ دینا چاہتا ہوں،کرونا وائرس کی غیر تصدیق شدہ ٹیسٹک کٹس کی بھرمار ہو رہی ہے، اگربیمارمریض کو ٹسٹ صحتمند ظاہر کر دے گا تو اس کا مطلب ہے کئ جانوں کو خطرے میں ڈالنا، جب تک DRAP پاکستان کی اپنی کٹس کی تصدیق کرتا ہے آپ امپورٹ کریں لیکن صرف تصدیق شدہ کٹس

— Ch Fawad Hussain (@fawadchaudhry) March 31, 2020

خیال رہے کہ گزشتہ روز فواد چوہدری نے خوش خبری دی تھی کہ ایک ماہ میں پاکستان کی تیار کردہ کرونا ٹیسٹنگ کٹس استعمال کے لیے دستیاب ہوں گی، مقامی طور پر تیار کردہ وینٹی لیٹرز بھی ایک ماہ میں استعمال کے لیے دستیاب ہوں گے، وینٹی لیٹرز اور کرونا ٹیسٹنگ کٹس طے شدہ معیار کے عین مطابق ہوں گے۔
The post کورونا وائرس کی غیر تصدیق شدہ ٹیسٹ کٹس، فواد چوہدری نے خبردار کردیا appeared first on ARYNews.tv | Urdu - Har Lamha Bakhabar.


from ARYNews.tv | Urdu – Har Lamha Bakhabar https://ift.tt/2UHBwhe
via IFTTT