سعودی عرب مقامی طور پر ڈرون تیار کرے گا

ریاض: سعودی عرب مقامی طور پر ڈرون اور ایئر سسٹم تیار کرے گا، سعودی عرب فوج کا 50 فیصد سے زائد سامان ضرورت بھی اندرون ملک تیار کرنے کا ارادہ رکھتا ہے۔

سعودی ویب سائٹ کے مطابق سعودی عرب سنہ 2021 میں 750 ملین ریال کی لاگت سے 6 قسم کے ڈرونز اور 40 ایئر سسٹم تیار کرے گا، سعودی جنرل اتھارٹی فار ملٹری انڈسٹریز نے ڈیفنس ٹیکنالوجی کمپنی انترا کے تعاون سے ڈرونز فیکٹری قائم کی ہے۔

سعودی جنرل اتھارٹی فار ملٹری انڈسٹریز ڈرون اندرون ملک تیار کرنے کے لیے وسیع النبیاد انفراسٹرکچر تیار کر رہی ہے تاکہ پروگرام کے مطابق اسے جدید طرز کے ڈرونز تیار کرنے اور ان کی اصلاح و مرمت کے سلسلے میں بین الاقوامی اور علاقائی سطح پر منفرد مقام حاصل ہوجائے۔

ڈیفنس ٹیکنالوجی کمپنی انترا مختلف قسم کے جدید اور کثیر المقاصد ڈرونز تیار کرے گی۔

اتھارٹی کے گورنر احمد بن عبدالعزیز العوھلی نے بتایا کہ سعودی جنرل اتھارٹی فار ملٹری انڈسٹریز ڈرونز کی تیاری اور اصلاح و مرمت کا سہ جہتی منصوبہ تیار کیے ہوئے ہے۔ اس کے تحت اول تو ڈرونز پر ریسرچ کی جائے گی، دوم ڈرونز تیار کیے جائیں گے، علاوہ ازیں ڈرونز کے سودے بھی کیے جائیں گے۔

انہوں نے مزید کہا کہ ولی عہد شہزادہ محمد بن سلمان کا پروگرام ہے کہ سنہ 2030 تک سعودی عرب فوجی اسلحہ اور سازو سامان کا 50 فیصد سے زیادہ بجٹ اندرون ملک اسلحہ اور فوجی ساز و سامان پر خرچ کرے۔

گورنر کے مطابق فوج کا 50 فیصد سے زائد سامان ضرورت اندرون ملک تیار ہو جبکہ 40 ایئر سسٹم تیار ہوں گے۔

انترا کمپنی کے ایگزیکٹیو چیئرمین سلمان بن ناصر الشثری نے بتایا کہ ڈرونز پروجیکٹ کا 60 فیصد حصہ سعودی عرب میں تیار ہوگا اور یہ کام سعودی انجام دیں گے۔ فیکٹری کے 70 فیصد ملازم سعودی ہوں گے اور فیکٹری 60 فیصد پیداوار برآمد کرے گی۔

The post سعودی عرب مقامی طور پر ڈرون تیار کرے گا appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2VQ3ppv
via IFTTT