اسٹورٹ براڈ نے اپنی نئی چال خود بتا دی

لندن: انگلینڈ کے فاسٹ بولر اسٹورٹ براڈ نے اعتراف کیا ہے کہ ٹیسٹ کرکٹ بغیر تماشائیوں کے کھیلنا مشکل ہوگا، لیکن وہ اس کمی کو پورا کرنے کے لیے نئی چال اپنائیں گے۔

تفصیلات کے مطابق کھیل کے دوران میدان میں تماشائیوں کی موجودگی سے کھلاڑیوں کی حوصلہ افزائی ہوتی ہے، پر اب گراؤنڈ میں شائقین کی کمی پوری کرنے کے لیے اسٹورٹ براڈ نے نیا طریقہ اپنانے کا سوچا ہے۔

ان کا کہنا تھا کہ تمائشیوں کی غیرموجودگی میں اپنی انرجی پوری کرنے کے لیے حریف بیٹسمین کو تنگ کروں گا، اس سے پمپ اپ ہوجاؤں گا، اور اس طرح ماحول بنارہے گا۔

خیال رہےبراڈ کے والد کرس بھی جھگڑالو مشہورتھے، اور اب بیٹے نے ابا کا مزاج اپنانے کی ٹھان کی ہے۔انگلش کھلاڑی نے اعتراف کیا کہ ان کو والدہ نے مشورہ دیا ہے کہ کھیل کے دوران ایسے بن جاؤ جیسے بارہ سال کا لڑکا ہو۔

واضح رہے کہ کروناوائرس کے پیش نظر کرکٹ کھیل بھی بغیرتماشائیوں کے منعقد ہوں گے، جس پر مختلف ممالک کے کھلاڑیوں نے تبصرہ کرتے ہوئے کہا کہ یہ ایک مشکل مرحلہ ہوگا لیکن کرونا سے مقابلہ کرنے کے لیے اسے اپنانا ضروری ہے۔

The post اسٹورٹ براڈ نے اپنی نئی چال خود بتا دی appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2ZqSItL
via IFTTT