کراچی: وزیراعظم کے معاون خصوصی عثمان ڈار نے کہا ہے کہ 9 اگست کو شجرکاری مہم میں 10لاکھ پودے لگانے کا ہدف رکھا گیا ہے، اُس دن وزیراعظم خود ٹائیگرفورس کے بہادر نوجوانوں کے ساتھ ہوں گے۔
تفصیلات کے مطابق اے آر وائی نیوز کے مارننگ شو باخبرسویرا میں گفتگو کرتے ہوئے عثمان ڈار کا کہنا تھا کہ نو اگست کو صوبوں کے محکمہ جنگلات اور معاون خصوصی ملک امین اسلم ساتھ ہوں گے، ٹائیگرز فورس نشاندہی کرکے متعلقہ جگہوں پر پودے لگائے گی، ملک کے جوان اس کام کے لیے پرعزم ہیں۔
انہوں نے کہا کہ جو ٹائیگر فورس کا حصہ نہیں وہ بھی بطورپاکستانی 9اگست کو پودا لگا سکتے ہیں، ٹائیگرزفورس کی ایپ بن گئی ہے اب اس کی رجسٹریشن کھولنے جارہے ہیں۔
وزیراعظم عمران خان کا 9 اگست کو ٹائیگر فورس ڈے منانے کا اعلان
معاون خصوصی کا یہ بھی کہنا ہےکہ ٹائیگرزفورس کے ایس اوپیز ایپ پر ڈالے گئے ہیں، نوجوانوں کو 1لاکھ سے10لاکھ تک صرف شخصی ضمانت پر قرض دیا جائے گا، ملکی ترقی میں نوجوان مرکزی کردار ادا کرسکتے ہیں۔
یاد رہے کہ گزشتہ روز وزیراعظم عمران خان نے نوجوان رضاکاروں سے خصوصی پیغام میں کہا تھا کہ 9 اگست کو پورے پاکستان میں ٹائیگر فورس ڈے منائیں گے، ٹائیگرفورس ڈے منانے کا مقصد ملک میں شجرکاری مہم شروع کرنا ہے۔
The post ’9 اگست کو وزیراعظم خود ٹائیگرفورس کے بہادر نوجوانوں کے ساتھ ہوں گے‘ appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2Ext5Rz
via IFTTT
No comments:
Post a Comment
please do not enter ant\y spam link in comment box