ریاض : سعودی عرب سے مئی میں تارکین وطن کے ترسیلات زر میں 11.8 ارب ریال کا اضافہ دیکھنے میں آیا ہے، اپریل کے مقابلے میں مئی کے مہینے میں نمایاں اضافہ ریکارڈ کیا گیا ۔
سعودی عریبین مانیٹری اتھارٹی (ساما) نے بتایا ہے کہ مئی 2019 کے مقابلے میں مئی 2020 کے دوران تارکین کے ترسیلات زر میں 11.83 ارب ریال (18 فیصد) کا اضافہ ریکارڈ کیا گیا ہے۔
سعودی ذرائع ابلاغ نے منگل کو ساما کے جاری کردہ اعدادوشمار کے حوالے سے بتایا کہ تارکین وطن نے اپریل 2020 کے مقابلے میں مئی 2020 کے دوران 2.04 ارب ریال زیادہ بھیجے، اپریل کے مقابلے میں مئی میں ترسیلات زر 21 فیصد زیادہ ہوئی۔
ساما کا کہنا ہے کہ سعودی شہریوں نے مئی 2019 کے مقابلے میں مئی 2020 کے دوران 52 فیصد رقوم کم بھیجیں۔ انہوں نے مئی 2020 میں 2.98 ارب ریال باہر بھیجے۔
مزید پڑھیں : رواں مالی سال کے پہلے8ماہ میں ترسیلات زر میں ریکارڈ اضافہ
ساما نے اس حوالے سے ایک چارٹ جاری کر کے 2019 اور 2020 کے ابتدائی پانچ ماہ کے دوران تارکین کے ترسیلات زر میں ہونے والی تبدیلیوں کا جائزہ پیش کیا ہے۔
The post سعودی عرب : تارکین کی ترسیلات زر میں نمایاں اضافہ appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/2NJzXwf
via IFTTT
No comments:
Post a Comment
please do not enter ant\y spam link in comment box