گولڑہ شریف کے سجادہ نشین پیر شاہ عبدالحق گیلانی کی نماز جنازہ

اسلام آباد : درگاہ عالیہ گولڑہ شریف کے سجادہ نشین پیرسیدنا شاہ عبدالحق گیلانی چورانوے برس کی عمر میں انتقال کرگئے، ان کی نماز جنازہ گولڑہ شریف میں ادا کردی گئی۔

 ممتاز روحانی پیشوا سجادہ نشین درگاہِ عالیہ گولڑہ شریف پیرسیدشاہ عبدالحق گیلانی خالق حقیقی سے جاملے۔ ان کی عمر چورانوے برس تھی، نماز جنازہ ان کے بڑے صاحبزادے پیر معین الحق گیلانی نے پڑھائی۔

nنماز جنازہ  میں ہزاروں عقیدت مندوں اورمریدین نے شرکت کی، پیرسید شاہ عبدالحق گیلانی پیر سید مہرعلی شاہ گیلانی کے پوتے اور پیر سید غلام محی الدین گیلانی المعروف باباجی کے صاحبزادے تھے۔

اپنےاجداد کی طرح آپ نے بھی اسلام کی بے پناہ خدمت کی، آپ نے قبلہ بابو جی کے بعد درگاہ شریف کی خدمت کی ذمہ داریاں سنبھالیں اور تادم آخر عقیدت مندوں کی روحانی تشنگی بجھانے کا سامان کرتے رہے۔

آپ طبعا انتہائی سادہ مزاج تھے لیکن تقوی و طہارت کے بلند مقام پر فائز تھے، اپ کے چہرہ پر انوار پر نور کی بارش برستی رہتی تھی اور علالت کے ایام میں چہرہ کی تابانی میں فرق نہ آیا۔

 

وزیراعلیٰ پنجاب عثمان بزدار نے سجادہ نشین درگاہ عالیہ گولڑہ شریف کےانتقال پر دکھ اور افسوس کا اظہار کیا ہے۔

اس کے علاوہ وزیرخارجہ شاہ محمود قریشی اور وفاقی وزیر اسد عمر نے گولڑہ شریف میں مرحوم کے صاحبزادوں سے تعزیت کی، اے آروائی فیملی کی جانب سے بھی پیرسیدناشاہ عبدالحق گیلانی کے انتقال پر گہرے رنج وغم کا اظہار کیا گیا۔

The post گولڑہ شریف کے سجادہ نشین پیر شاہ عبدالحق گیلانی کی نماز جنازہ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Xe0Q0r
via IFTTT