وزیراعلیٰ پنجاب کا یوم عاشور پر سیکیورٹی انتظامات پر اطمینان

لاہور : وزیراعلیٰ پنجاب عثمان بزدار نے صوبے میں یوم عاشور پر سکیورٹی انتظامات پر اطمینان کا اظہار کرتے ہوئے کابینہ کمیٹی امن و امان کو شاباشی دی۔

تفصیلات کے مطابق وزیراعلیٰ پنجاب عثمان بزدار نے سیکیورٹی انتظامات پر کابینہ کمیٹی امن و امان کو شاباش دیتے ہوئے صوبے میں یوم عاشور پر سکیورٹی انتظامات پر اطمینان کا اظہار کیا۔

عثمان بزدار کا کہنا تھا کہ متعلقہ اداروں نےامن وامان کی فضا برقرار رکھنے کے لئے شبانہ روز محنت کی، لاہور سمیت ہر شہر میں امن عامہ کے بہترین انتظامات کیےگئے۔

وزیراعلیٰ پنجاب نے کہا کہ پولیس،فوج، رینجرز، انتظامیہ سمیت پوری ٹیم کی کارکردگی قابل ستائش ہے، متعلقہ اداروں، پولیس اور انتظامیہ نے پر امن فضا کو یقینی بنایا۔

ان کا کہنا تھا کہ علمااوردیگر طبقات نےبھی یکجہتی کی فضا برقراررکھنے میں مثالی کردار اداکیا، آئندہ بھی جان و مال کے تحفظ کیلئےاسی جذبے اور عزم سے کام کرنا ہوگا۔

خیال نواسہ رسول حضرت امام حسینؓ کے یوم شہادت پر ملک بھر میں عقیدت و احترام سے منایا گیا، یوم عاشور پر شہر شہر جلوس برآمد ہوئے، ماتمی جلوسوں میں عزاداروں نے نوحہ خوانی کرتے ہوئے کربلا میں دی گئی اور عظیم قربانی پر شہدائے کربلا کو خراج عقیدت پیش کیا گیا۔

The post وزیراعلیٰ پنجاب کا یوم عاشور پر سیکیورٹی انتظامات پر اطمینان appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3lz31X6
via IFTTT