کراچی : سندھ کے صوبائی وزیر سعید غنی نے کہا ہے کہ کراچی میں نالوں کی صفائی مسئلے کا حل نہیں، مستقل حل تجاوزات کا خاتمہ ہے تاکہ نالوں میں پانی کی گنجائش بڑھ سکے۔
یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ کراچی میں بارش کی وجہ سے کچھ مقامات پر مسائل پیدا ہوئے ہیں، گجر نالے سمیت 3بڑے نالوں کی صفائی کا کام آج سے شروع کردیا گیا ہے۔
صوبائی وزیر کا کہنا تھا کہ کراچی میں صرف نالوں کی صفائی ہی مسئلے کاحل نہیں بلکہ ان نالوں پر سے تمام تجاوزات ہٹانا ہی مسئلے کا مستقل حل ہے۔
انہوں نے بتایا کہ فی الحال نالوں کی صفائی میں رکاوٹ بننے والی تجاوزات ہٹائی جا رہی ہیں۔ گندگی سے نجات کا مستقل حل نالوں سے تجاوزات کا خاتمہ ہے۔
سعید غنی نے کہا کہ کراچی میں آلائشیں اٹھانے کیلئے ہرسال تیاری ہوتی ہے، ہرسال کی طرح اس سال بھی آلائشیں اٹھانے کی بھرپور کوشش کی گئی، کل کراچی کے کچھ مقامات کےحوالے سےشکایات آئی تھیں، شہر بھرسے آلائشیں اٹھاکر78 کلیکشن پوائنٹس پر جمع کی جارہی ہیں۔
مزید پڑھیں : وزیراعظم کی ہدایت، کراچی میں بڑے پیمانے پر نالوں کی صفائی کا آغاز
واضح رہے کہ وزیراعظم عمران خان کی ہدایت پر این ڈی ایم اے کی جانب سے کراچی میں نالوں کی صفائی کا کام شروع کردیا گیا گجرنالے کے مختلف مقامات پر ایف ڈبلیو او کی مشینری کی مدد سے صفائی کا عمل جاری ہے۔
نارتھ ناظم آباد میں این ڈی ایم اے کی زیر نگرانی گجر نالے کی صفائی کا عمل ایف ڈبلیو او کی مشینری کی مدد سے شروع کیا گیا ہے۔اس موقع پر پولیس اور پاکستان رینجرز کے اہلکار بھی موجود ہیں۔
The post کراچی کے مسائل کا حل نالوں سے تجاوزات کا خاتمہ ہے، سعید غنی appeared first on ARYNews.tv | Urdu - Har Lamha Bakhabar.
from ARYNews.tv | Urdu – Har Lamha Bakhabar https://ift.tt/3k2QUAJ
via IFTTT
No comments:
Post a Comment
please do not enter ant\y spam link in comment box