ملک بھر میں کرونا سے 18 اموات، 441 نئے کیسز رہورٹ

اسلام آباد : پاکستان میں کرونا وائرس کے کیسز اور اموات میں کمی کا رجحان جاری ہے، گزشتہ 24 گھنٹوں کے دوران کرونا وائرس کے 18 مریض جاں بحق ہوگئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ ملک میں گزشتہ 24 گھنٹوں کے دوران کرونا وائرس کے 18 مریض انتقال کر گئے جس کے بعد ملک میں کرونا وائرس سے ہلاکتوں کی مجموعی تعداد 6 ہزار 318 ہوچکی ہے۔

این سی او سی کا کہنا ہے کہ گزشتہ 24 گھنٹوں کے دوران ملک میں 264 افراد میں کرونا وائرس کی تصدیق ہوئی، ملک میں کرونا وائرس کے مجموعی کیسز کی تعداد 2 لاکھ 96 ہزار 590 ہوچکی ہے جبکہ ملک میں فعال کیسز کی تعداد 8 ہزار 813 ہے جبکہ 2 لاکھ 81 ہزار 459 مریض صحتیاب ہو چکے ہیں۔

این سی او سی کے مطابق گزشتہ 24 گھنٹوں کے دوران ملک بھر میں 20 ہزار 480 کرونا وائرس کے ٹیسٹ کیے گئے جس میں میں کورونا کے441نئے کیسز سامنے آئے جبکہ مجموعی طور پر کیے جانے والے ٹیسٹس کی تعداد 26 لاکھ 3 ہزار 129 ہوچکی ہے۔

این سی او سی کا کہنا ہے کہ ملک بھر کے 735 اسپتالوں میں کرونا وائرس کے 1 ہزار 39 مریض زیر علاج ہیں جن میں سے 90مریض وینٹی لیٹر پر ہیں۔

The post ملک بھر میں کرونا سے 18 اموات، 441 نئے کیسز رہورٹ appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/2Gm7In5
via IFTTT